'''امریکا''' اک لوکراج اے جیہڑا براعظم [[اُبھےاُبھا امریکا|اُبھااُبھے امریکا]] دا اک [[دیس]] اے ۔ ایہدا راجگڑھ [[واشنگٹن ڈی سی]] اے تے ایہدی لوک گݨتی 30 [[کروڑ]] اے۔اس دے 50 [[صوبے]] نیں ۔ ایہ [[دیس]] براعظم اُبھے امریکادے وچکار اے جتھے ایہدے 48 صوبے نیں ۔ ایہدے چڑھدے پاسے [[اٹلانٹک ساگر]] اے تے لہندے پاسے [[پیسفک ساگر]] اے ۔ ایہدے اُبھے پاسے [[کینیڈا]] تے لمے پاسے [[میکسیکو]]۔ [[الاسکا]] براعظم دے اُبھے لہندے پاسے ول اے تے [[الاسکا]] دے چڑھدے پاسے [[کینیڈا]] اے تے لہندے پاسے بیرنگ سٹریٹ تے اوس توں پرے [[روس]] اے ۔ صوبا [[ہوائی]] جزیریاں دی شکل وچ [[پیسفک ساگر]] دے وچکار اے ۔ ایس [[دیس]] کول 5 وسدے تے 9 ان وسدے تھاں کریبین تے پیسفک وچ وی نیں ۔ 9.83 ملین مربع کلو میٹر تھاں نال امریکا [[دنیا]] دا تیجا وڈا دیس اے ۔ 30 کروڑ 60 لکھ [[لوکاں]] نال اے [[دنیا]] دا تیجا وڈا دیس اے۔
امریکہ چ سب توں بعوتیاں نسلاں دے لوک وس رۓ نیں جیہڑے بن باس کر کے اپنے دیساں نوں چھڈ کے ایتھے آکے وس گۓ نیں۔ امریکا دی ایکانومی دا ناپ 14۔3 ٹرلین [[ڈالر]] اے۔ جیڑا دنیا دی ایکانومی دا 23٪ اے ۔
