سونگھائی سلطنت اک توں دوجی شکل چ تقریبا 1 ہزار سال تک قائم رہی جے کوئی اسدی گاو چ پہلی آبادی جہڑی [[سلطنت مالی]] دی باجگزاری سی توں نشان لبھے ۔ تے بعد چ ایہہ [[نائیجر]] چ [[ڈینڈی بادشاہت]] دی شکل چ موجود رہی ۔
سونگھائی گاو چ 800ء دے شروع چ آباد ہوگئے سن پر اسنوں 11ویں صدی عیسوی ، ڈیا کوسوئی دے ویلے تک اپنا راجگھر نئیں بنائیا سی ۔ ڈیا ٹبر توں چھیتی ای حکومت سنی ٹبر نے لے لئی ۔ سلیمان مار ، جس نے آزادی حاصلکر کے شہر تے اقتدار حاصل کر لئی اتے [[سنی علی بیر]] دا ناں اختیار کیتا ۔
== سونگھائی شاہی ==
1340ء چ سونگھائی نے [[مالی سلطنت]] دے زوال دا فیدہ چکدے ہوئے کامیابی نال آزادی حاصل کر لئی ۔ جانشینی دے جھگڑےآں نے مالی سلطت نوں کمزور کر دتا تے اسدے کئی علاقے اس توں علیحدہ ہو گئے ۔
سونگھائیاں نے گاو نوں اپنا راجگھر بنا لئیا تے لہندے ساحل نال نال اپنی سلطنت نوں توسیع دیندے رہے ۔ 1420ء چ سونگھائی اینے طاقتور ہوگئے کہ ماسینا توں خراج لین لگے ۔ کل ملا کے سنی ٹبر دے 18 بادشاہ ہوئے ۔
== سنی علی بیر ==
سونگھائی سلطنت دا پہلا وڈا بادشاہ [[سنی علی بیر]] سی جس دا ویلا 1454ء توں 1493ء تک اے ۔ علی [[مالی]] دے بادشاہاں وانگوں [[مسلمان]] سی ۔ اوہ اک منئیا ہوئیا جنگجو وی سی ، 1460ء چ اسنے مالی سلطنت دے باقی علاقےآں سنے سونگھائی دے گوانڈھی ریاستاں نوں فتح کر لئیا ۔
== آسکیا محمد ==
ï
[[File:Askia.jpg|thumb|200px|left|آسکیا محمد دا مقبرہ]]
سنی علی دا جانشین بادشاہ محمد تورے بنئیا ، جہڑا سونینکے لوکاں چوں سی ، جسنے شونگھائی دا سنہری دور لیاندا ۔ اسنوں آسکیا (قبضہ کرن آلا) آکھئیا جاندا سی ،اسنے ایہہ ناں اپنے لئی اختیار کیتا تے اس ٹبر نوں وی ایہی ناں مل گئیا ۔ جتھے علی نے علاقے فتح کیتے محمد نے سیاسی اصلاحات کیتیاں تے سلطنت ج نویں جان پاء دتی ۔ اسنے اک پیچیدہ نوکر شاہی بنائی جس چ زراعت ،فوج تے خزانے دے علیحدہ علیحدہ محکمے سن ، جنہاں دے اوہ نگرانی کرن آلے اہلکار وی خود مقرر کردا سی ۔ اک [[مسلمان]] ہون دے ناتے آسکیا محمد نے نا صرف [[منسا موسی]] وانگ [[مکہ]] مکرمہ جا کے [[حج]] کیتا بلکہ اسنے مدرسے کھولے تے مسیتاں بنائیاں تے اپنے دریار نوں پورے عالم اسلام دے مفکراں تے شاعراں لئی کھول دتا ۔