عثمان دے والد [[ارطغرل|ارطغرل]] دی وفات دے بعد ، [[سلاجقہ روم|سلاجقہ روم]] ([[سلطنت روم|سلطنت روم]]) دا راجگھر [[قونیہ|قونیہ]] تے منگولاں دا قبضہ ، تے [[سلجوق سلطنت|سلجوق سلطنت]] دے خاتمے دے بعد عثمان خان دی جاگیر خودمختار ہوگئی ، جہڑی بعد چ [[سلطنت عثمانیہ|سلطنت عثمانیہ]] کہلائی ۔
عثمان دی جاگیر دی سرحد [[قسطنطنیہ|قسطنطنیہ]] دی [[بازنطینی سلطنت|بازنطینی سلطنت]] نال ملدی سی ۔ ایہہ اوہی حکومت سی جہڑی [[عرب]]آں دے زمانے ج [[رومی سلطنت|رومی سلطنت]] دے ناں نال مشہور سی ۔ جسنوں [[الپ ارسلان|الپ ارسلان]] تے [[ملک شاہ اول|ملک شاہ اول]] دے زمانے چ سلجوقیاں نے بہت کمزور تے چھوٹی کردتا سی ۔ پر ایہہ ہن وی عثمان خان دی جاگیر دے مقابلے چ بہت وڈی تے بہت طاقتور سی ۔ [[بازنطینی]] قلعے دار عثمان دی جاگیر تے حملے کردے رہندے سن جس دی وجہ توں عثمان خان تے [[بازنطینی سلطنت]] دے وچکار لڑائی شروع ہوگئی ۔ اینہاں لڑائياں چ عثمان نے بہت بہادری تے قابلیت دا ثبوت دتا تے بہت سارے علاقے فتح کرلئے جنہاں چ [[بروصہ|بروصہ]] دا مشہور شہر وی شامل سی ۔ بروصہ دی فتح دے بعد عثمان دا انتقال ہوگئیا ۔
لیک ۱۴ –
عثمان بہت بہادر تے عقلمند حکمران سی ۔ [[رعایا]] نال عدل تے [[انصاف]] کردا سی ۔ اسدی زندگی سادہ سی تے اسنے کدے وی [[دولت]] نئیں جمع کیتی ۔ مال غنیمت چوں یتیماں تے غریباں دا حصہ کڈن دے بعد باقی سپاہیاں چ تقسیم کردیندا سی ۔ اوہ فیاض ، رحم دل تے مہمان نواز سی تے اسدیاں اینہاں خوبیاں دی وجہ توں [[ترک|ترک]] اج وی اسدا ناں عزت تے احترام نال لیندے نیں ۔ اس دے بعد ایہہ رواج پئے گئیا کہ جدوں وی کوئی [[بادشاہ]] [[تخت]] تے بیٹھدا تے اسدی کمر نال عثمان دی تلوار بنھی جاندی تے دعا کیتی جاندی کہ خدا اس چ وی عثمان ورگیاں خوبیاں پیدا کرے ۔
عثمان دا راجگھر " [[اسکی شہر|اسکی شہر]]" سی تے [[بروصہ]] دی فتح دے بعد اسنوں صدرمقام قرار دتا گئیا ۔