'''وزیر اعظم''' اک بڑا حکومتی عُہداعُہدے دار ہُندا اے۔ پارلیمینٹری نظام چ وزیر اعظم حکومت دا سربراہ ہُندا اے۔ نیم صدارتی نظام چ وزیر اعظم نوں کابینہ دا صدارتی مِمبر منیا جانداہُندا اے تے اوہ کابینہ چ تبدیلیاں کرن دا مجاز ہُندا اے۔ وزیراعظم دے عہدے نوں وزارت عظما کہیا جاندا اے تے ایہ عہدا عمومن کسے سیاست دان کول ہُندا اے۔ چندکُچھ نظام خاص طور تے نیم صدارتی نظام حکومت چ وزیر اعظم ایہجیا عہدے دار ہُندا اے جیہڑا صدر جمہوریہ دے احکامات نوں نافذ کرن لئی کم کردا اے۔ اکثر و بیشتر وزیر اعظم پارلیمینٹ دا رکن ہُندا اے۔ وزارت عظما دا عہدا [[برطانیہ]] چ تخلیق کیتا گیا پر شبد "وزیر اعظم" پہلی باری 1624ء چ کارڈینل رشیلیو نے استعمال کیتا سی جد اوہناں نے شاہی کونسل دے سربراہ نوں وزیر اعظم [[فرانس]] دا نام دتا۔ [[پاکستان]] دے آئیندستور چ [[صدر]] تے وزیر اعظم دوناں دا ذکر کیتا گیا اے۔ پارلیمینٹری نظام چ وزیرا عظم ای انتظامی امور دا سربراہ ہُندا اے تے اوہ مُلک چلاوندا اے تے صدر مُلک دا دستوری سربراہ ہُندا اے۔
