"<span lang="ur">ہن سلطنت</span>[[ گٹھ:مضامین جنہاں وچ اردو بولی دا متن شامل اے ]]" دیاں دہرائیاں وچ وکھراپا

[[ہن]] سلطنت ہناں دی قائم کیتی ہوئی اک سلطنت سی ۔ ہن [[یورشیا]] دے قبیلےآں دا اک اتحاد سی ، جہڑے [[ترک]] بولیاں بولدے سن ،جنہاں چ [[وسطی ایشیا]] دے [[گیاہستان]] دیاں بولیاں دے اثرات وی سی ۔ ہناں نے چوتھی صدی عیسوی دے ادھ چ [[دریائے وولگا]] دے پرےاوں نمودار ہو کے ، دریائے وولگا تے [[دریائے ڈون]] دے وچکار وسن آلے [[الانی]]اں نوں تباہ تے برباد کیتا تے فیر چھیتی ای دریآئے ڈون تے [[دریآئے ڈینیپر]] دے وچکار [[آسٹروگوتھ سلطنت]] نوں تخت و تاراج کیتا ۔ 376ء دے لاگے اینہاں نے اج دے [[رومانیہ]] چ رہن آلے [[ویسیگوتھ]]اں نوں شکست دتی تے [[بازنطینی سلطنت]] دی [[دریائے ڈینیوب]] آلی سرحد تے پہنچ گئے ۔ [[اٹیلا]] دی قیادت چ [[یورپ]] چ ایس وڈی ہجرت نے ایتھے وڈیاں لسانی تے سیاسی تبدیلیاں لیاندیاں ۔

پرانیاں دستاویزاں دے موجب [[ہن]] چوتھی صدی عیسوی چ [[بحیرہ قزوین]] ([[بحیرہ کیسپیئن]]) دے اتلے لہندے دے علاقےآں چ آباد ہوئے ۔ تے 370ء دے نیڑے کیسپیئن ہن متحرک ہوئے تے اپنے لہندے چ اک [[الانی]] قبیلے نوں تباہ کیتا ۔ ہور لہندے ول جاندے ہوئے اینہاں نے [[آسٹروگوتھ سلطنت]] نوں تباہ کیتا ۔ 395ء چ ہناں نے [[قفقاز]] دے پہاڑاں دے پار حملے کر کے [[آرمینیا]] نوں تاراج کیتا تے ایتھے [[ارض روم]] تے قیضہ کیتا تے [[ایدیسا]] تے [[انطاکیہ]] دا محاصرہ کیتا تے ایتھے تک کہ اوہ [[شام]] چ [[طائر]] تک پہنچ گئے ۔

408ء چ ہن آگو اولدین نے مشرقی [[رومی سلطنت]] دے صوبے موئسیا تے حملہ کیتا پر ایہہ حملہ نکام بنا دتا گئیا ۔

اپنے بھائیاں دے جان دے مگروں متحدہ ہناں دے حکمران اٹیلا نے غیر متنازعہ طور تے ہن سلطنت دا اقتدار سمبھال لئیا ۔ 447ء چ اٹیلا ہناں نوں اک وار فیر [[مشرقی رومی سلطنت]] ([[بازنطینی سلطنت]]) ول لے گئیا ۔ اسدا [[بلقان]] تے [[تھریس]] تے حملہ تباہ کن سی ، تے زریعاں موجب ایتھے ہناں نے 70 شہر ڈھاء کے تباہ کر دتے ۔ مشسرقی رومی سلطنت تے پہلے اندرونی طور تے ، [[قحط]] ، [[طاعون]] ، بغاوتاں تے [[قسطنطنیہ]] چ بھچالاں (زلزلےآں) دے اک سلسلے پاروں مسئلےاں چ گھری ہوئی سی ۔ رومی فوج تے فتح دے نتیجے چ ہن مشرقی رومی علاقےآں چ نا قابل تسخیر بن گئے ۔

رومی سلطنت ہناں نوں خراج دین لگی تے بعد چ نویں شہنشاہ [[مارسیئن]] نے خراج دی ادائیگی روک دتی تے کارپاتھی طاس توں اٹیلا نے [[قسطنطنیہ]] تے حملہ کرن لئی حرکت کیتی ۔ اپنے حملے دے منھوبے تے یمل کرن توں پہلے اسنے اک [[جرمن]] کڑی [[ایلڈیکو]] نال ویاہ کیتا ۔ اٹیلا اپنی سہاگ رات نوں نک توں خون وگن نال مر گئیا ۔

اٹیلا دا جانشین اسدا وڈا پتر [[ایلاک]] بنئیا ۔ تے اٹیلا دے دوجے پتراں [[دینگیزیک]] تے [[ایرناخ]] نے وی تخت دا دعوی کیتا ۔ اس موقعے دا فیدہ چکدے ہوئے محکوم قبیلےآں نے بغاوت کر دتی ۔ اٹیلا دے مرن دے اک ورہے مگروں ہناں نوں [[نیڈاؤ دی لڑائی]] چ شکست ہوئی ۔ 469ء چ ایلاک دا جانشین تے اخری ہن بادشاہ دینگیزک مر گئیا تے اس دن ای ہن سلطنت مک گئی ۔ کجھ تریخ دان اس گل تے یعقین رکھدے نیں کہ ہناں دی اولاداں نے [[بلغاروی سلطنت]] قائم کیتی جہڑی [[بلقان]] ، [[پانونیا]] تے [[سیتھیا]] تے پھیلی ہوئی سی ۔