"<span lang="ur">پراݨا مصر</span>[[ گٹھ:مضامین جنہاں وچ اردو بولی دا متن شامل اے ]]" دیاں دہرائیاں وچ وکھراپا

===رومی ویلا===

ایکٹیم دی لڑائی وچ اوکٹیوین نیں 30 قبل مسیح نوں مارک اینٹونی تے ملکہ کلیوپیٹرا نوں ہرا کہ مصر نوں رومی سلطنت دا اک صوبہ بنا لیا۔ رومی سلطنت مصر دے اناج اتے ٹردی سی۔ روم دے بادشاہ رومی فوج دے کج حصہ نوں اک اپنے بناۓ ہوۓ پریفکٹ نوں دیندی سی۔ ایہ پریفیکٹ فوج نال مصر وچ بغاوتاں نوں روکدا سی، پعاری ٹیکس اکھٹے کردا سی تے ڈاکواں نوں روکدا سی۔ سکندریہ ایشیاء نال تجارت دا اک خاص انگ بن گیا جتھوں دیاں شیواں دی روم وچ کافی منگ سی۔

رومیاں دا مصریاں دے نال رویہ بطلومیسیاں توں کئی گنا پیڑا سی مگر فیر وی پرانیاں رسماں ٹردیاں رئیاں جنج ممی بنانا تے پرانے دیوتاں دی پوجا۔ کج رومی بادشاہ اپنے آپ نوں وی فرعون آخواندے سن مگر بطلوموسیاں جیناں نئیں۔ مصر دے حکمران مصر توں بعر ریندے سن تے مصر نوں چلان دے کم رومی آپ کردے سن تے مصریاں دی اپنی کوئی حکومت نئیں سی۔

پہلی صدی عیسوی وچ عیسائیت مصر وچ آجاندی اے تے اینوں وی اک مزہب منیا جاندا اے۔ مگر آہستہ آہستہ ایہ بوت وددی اے تے لوک مصری مزہب تے یونانی-رومی مزہب چھڈ کے عیسائی ہو جاندے نیں۔ اس نوں روکن لئی کافی زور لایا گیا تے 303 عیسوی وچ عیسائیاں نوں مارن دی کوشش وی کیتی گئی مگر عیسائیت جت گئی۔ 391 وچ عیسائی بادشاہ تھیوڈوسیس نیں قنون وچ مندراں تے پرانے مزہب نوں کفر آخیا تے اتے پابندی لادتی۔ سکندریہ وچ کافراں خلاف جلسے نکلے تے اوناں نے پرانیاں مزہبی شیواں نوں تباہ کردتا۔ اس دے نال مصر دا پرانا کلچر کٹدا گیا۔ مصر دے اپنے لوک بولی تے پرانی بولدے سن مگر مصری لکھائی دا سسٹم مندراں تے پادریاں نال مک گیا۔ مندراں نوں گرجیاں وچ بدل دتا گیا یا فیر صحرا وچ چھڈ دتا گیا۔