"<span lang="ur">پراݨا مصر</span>[[ گٹھ:مضامین جنہاں وچ اردو بولی دا متن شامل اے ]]" دیاں دہرائیاں وچ وکھراپا

===ٹبر حکومت توں پہلے دا ویلا===

ٹبر حکومت توں پہلے تے شروع دے ٹبر ویلے وچ مصری موسم اج توں کافی نرم سی۔ نا ای ایناں خشک نا ای ایناں گرم۔ اس ویلے مصر وی کعا تے بوٹیاں نال پرے آ سی جیناں اتے جانور چردے سن۔ ہر پاسے جانور تے بوٹے سن تے نیل اتے کافی بطخاں ریندیاں سن۔ اس ویلے مصری شکار کردے سن تے اوسے ویلے ای اوناں نیں ڈنگر پالنا سکھیا۔

5500 قبل مسیح وچ وادی نیل وچ وسدے قبیلے خاص کلچر بن گۓ جیڑے وائی بیجی تے ڈنگر پالن وچ ماہر ہوگۓ تے اوناں دی پہچان مٹی دے پانڈے، کنگیاں، کڑے تے موتی سن۔ ایناں وچوں سب توں وڈا کلچر بداری سی۔ بداری لوک لیندے صحرا توں سن، تے اوناں دی خاصیت وٹے دے اوزار، چنگی کوالٹی دیاں سرامک شیواں تے کانسی دا ورتنا سی۔

 

بداری کلچر دے بعد امراٹی تے گرزے کلچر آۓ جیناں نوں نقادا 1 تے 2 وی کیندے نیں، جیناں نیں ٹیکنالوجی وچ کافی ترقی کیتی۔ امراٹی ویلے وچ مصری لوک ایتھوپیا توں اوبسیڈین لیاندے سن جیدے نال اوہ وٹیاں توں ورتن آلیاں شیواں بناندے سن۔ گرزے ویلے وچ گروواں نوں اس گل دی جانکاری لبی اے کہ مصری کانان تے ہور ارد گرد دیاں رہتلاں نال وی ملے سن۔ اگلے 1000 وریاں وچ نقادا کلچر اک نکی وائی بیجی دی لوک رہتل توں اک بوت وڈی رہتل بن گئی جیناں دے راجے لوکاں تے نیل دی وادی اتے پوری حکومت کردے سن۔ اوناں نیں اپنا راجگڑھ ہیئیراکونپولس وسایا تے فیر ابیڈوس وچ وسا دتا۔ نقادے دے راجے اپنا زور اپلے مصر ال وداندے رۓ۔ اوہ دکھن ال وسدے نوبیا، لیندے صحرا دے لوک تے چڑدے پاسے دے لوکاں نال وی تجارت کردے سن۔ مصری تریخ گروواں نوں کسٹل دے کول نوبیا دے راجیاں دیاں قبراں لبیا سن جیناں وچ مصر اتے سب توں پہلی ٹبر حکومت دے نشان لبے سن: مصر دا چٹا تاج تے فالکن۔

نقادا کلچر کم دیاں بوت شیواں بناندا سی جس نال اوناں دی وددی طاقت تے پیسے دا اندازہ ہوندا اے تے اوہ لوکاں دے ورتن دیاں شیواں وی بناندے سن جنج کنگیاں، نکیاں مورتاں، رنگی ہوۓ مٹی دے پانڈے، سوہنے پھلدان، سرخی پوڈر تے قیمتی وٹیاں، سونے تے ہاتھی دے دنداں نال بنے زیور۔ اوناں نیں کانچ نال مگ، مورتاں تے ہار سوہنے کرنا وی سکھیا۔ ٹبر حکومت توں پہلاں دے ویلے دے آخر تے نقادا کلچر لکھائی لئی کج مورتاں ورتنا شروع ہوگۓ جیڑیاں پرانی مصری لکھائی دا سب توں پہلا سسٹم بن گیا۔