"<span lang="ur">پراݨا مصر</span>[[ گٹھ:مضامین جنہاں وچ اردو بولی دا متن شامل اے ]]" دیاں دہرائیاں وچ وکھراپا
Content deleted Content added
No edit summary |
No edit summary |
||
لیک ۲۹ –
پرانے دیس وچ حکومت دے سسٹم نوں چلان آلے لوکاں دی اک خاص ونڈ بن گئی۔ ایناں وچ حکومت دے لکھاری تے سرکاری نوکر سن جیناں نوں فرعون اوناں دے کم دے بدلے جیداداں دیندا سی۔ فرعون پادریاں تے مندراں نوں وی مال تے تھاں دیندے سن تاکہ فرعون دے مرن دے بعد وی اونوں پوجیا جاۓ۔ گروواں دا خیال اے کہ اگلے 500 وریاں وچ فرعوناں دی دولت کٹ ہوندی گئی جیدی وجہ ایہ سی کہ پورا دیس اینی گوڑی حکومت دا تھم بوتی دیر نئیں رہ سکدا سی۔ جنج جنج فرعوناں دی طاقت کٹدی گئی، مصر دے صوبیاں دے گورنراں نیں فرعوناں اگے بغاوت کر دتی۔ اس دے نال نال 2200 توں 2150 قبل مسیح وچ کافی خشکی پئي جس نال پورا مصر وچ قحط پے گیا جیڑا 140 وریاں تک ریا، اس ویلے نوں پہلا مڈلا ویلا کیندے نیں۔
===پہلا مڈلا ویلا===
پرانے دیس ویلے دے آخر تے مصر دی حکومت ڈگ گئی، حکومت اپنی کوششاں دے بوجود وی دیس دی ایکانمی نوں ٹھیک نئیں کر سکی۔ دیس وچ قحط پے گیا تے جدوں صوبیاں دے گورنراں نیں فرعوناں توں مدد منگی اوناں نوں ککھ نا لبیا، جس نال لڑائیاں ٹر پئیاں تے کئی صوبیاں نے فرعون اگے بغاوت کردتی۔ انیاں مشکلاں دے نال نال ای چلدیاں عام تھاواں دے لیڈر جیڑے ہن فرعون نوں ٹیکس نئیں دیندے سن، اپنی نويں آزادی نوں ورتدیاں اپنے اپنے صوبیاں چ نویں کلچر بنا گۓ۔ اس ویلے وچ ہر صوبے کول اپنے اپنے وسائل ہوندے سن، جیناں نال اوہ امیر ہوندے گۓ: ہر قسم دے لوکاں دیاں قبراں چنگیاں ہوگئیاں سن۔ اس ویلے وچ ہر صوبے دے آرٹسٹ اوناں شیواں دا آرٹ بنان لگ پۓ جیڑے پہلے صرف فرعون تے اودے ٹبر لئی ہوندے سن، جس نال اس ویلے دی خوشی تے نویں پن دا پتا چلدا اے۔
فرعون دی طاقت دے مکن دے بعد نکے راجے اک دوجے نال تھاں تے سیاسی طاقت پچھے لڑ پۓ۔ 2160 قبل مسیح وچ ہیراکلیوپولس دے راجے دکھنی مصر سانبھدے سن تے اوناں دے مقابلے دا انتف ٹبر تیبائی توں اتلے مصر اتے راج کردی سی۔ جنج جنج انتف ٹبر وددا گیا تے اتلے مصر اتے ہور طاقتور ہوندا گیا، اس گل دا دوواں نوں پتہ چل گيا کہ مصر پچھے جنگ ہوۓ گی۔ 2055 قبل مسیح وچ انتف دیاں فوجاں نيں ہیراکلوپولیٹن دے راجیاں دی فوجاں نوں ہرا کہ مصر نوں دوبارہ اکھٹا کر دتا۔ اس نال ای مصر وچ ترقی تے خوشحالی دا نواں ویلا آگیا جینوں مڈلا دیس کیندے نیں۔
[[Category:پرانا مصر]]
| |||