[[File:Shah_Tahmasp_and_Humayun.jpeg|thumb|300px|left|شاہ طہماسپ [[ہمایوں]] دا استقبال کردے ہوئے]]
شاہ طہماسپ اول(1514ء- 1576ء) [[ایران]] دی [[صفوی سلطنت]] دا دوجا [[بادشاہ]] سی ۔ ایہہ [[اسماعیل صفوی]] دا پتر سی ۔ جدوں ایہہ تخت تے بیٹھا اسدی عمر اوس ویلے صرف 10 [[سال]] سی ۔ طہماسپ دا دور لڑائیاں تے جنگاں دا دور سی ۔ 1525ء توں 1540ء تک [[خراساں]] ازبکاں دے حملے دا نشانہ بنئیا رہئیا تے اس ویلے چ [[شیبانی خان]] دے پتر [[جنید خان]] 6 حملے کیتے ، جنہاں چ [[ہرات]] تے [[مشہد]] وغیرہ نوں بہت نقصان پہنچئیا ۔ لہندے چ [[عراق]] نوں [[ترک]]اں نے ایرانیآں کولوں کھو لئیا تے [[تبریز]] تے [[ہمدان]] تے کئی ورہے ترکاں دا مل رہئیا ۔ اینہاں سارےآں حلمےآں دے باوجود ایہ طہماسپ دیاں صلاحیتاں دا ثبوت اے کہ اینے بھیڑے حال چ وی اوہ باقی [[ایران]] چ امن تے امان قائم رکھن چ کامیاب رہئیا تے [[جارجیا]] یاں [[گرجستان]] دے عیسائیاں دے خلاف 7 مہماں بھیجئیاں تے [[گرجستان]] تے [[ایرانی]] قبضہ برقرار رکھن چ وی کامیاب رہئیا ۔
اس دے دور دا اک قابل ذکر واقعہ ایہہ اے کہ [[انگلستان]] [[سلطنت عثمانیہ]] دے ترکاں دے خلاف [[ایران]] دا تعاون لینا چاہندا سی تے شمالی رستے تھانیں ایران نال تجارتی تعلقات قائم کرنے چاہندا سی ۔ اس مقصد لئی ملکہ [[ایلزبتھ I]] نے اک [[انگریز]] نوں خط دے کے طہماسپ ول گھلئیا تے بادشاہ نے ایہہ کہہ کے انکار کردتا کہ " اسیں کافراں نال دوستی نئیں کرنا چاہندے " ۔
شاہ طہماسپ دے ویلے ای [[بابر]] دے پتر [[ہمایوں]] نوں [[شیر شاہ سوری]] نے [[ہندستان]] چوں کڈ دتا سی ، 1543ء چ ہمایوں [[ایران]] آئیا تے طہماسپ نے اسنوں جی آیاں نوں آکھئیا تے فوجی مدد دتی ، جس دی وجہ توں ہمایوں اک وار فیر اپنی حکومت بحال کرن چ کامیاب ہوگئیا ۔
[[تبریز]] تے [[ترک]]اں دا قبضہ ہون جان دی وجہ توں طہماسپ نے اپنا راجگھر [[قزوین]] منتقل کردتا سی ۔ طہماسپ اوہناں [[مسلمان]] حکمراناں چوں اے جنہاں نے 50 سال توں ودھ حکومت کیتی ۔
طہماسپ دے جانشیناں [[اسماعیل II]] تے [[محمد خدا بندہ]] دا دور غیر اہم اے تے اینہاں چوں کوئی وی طہماسپ ورگیاں صلاحیتاں دا مالک نئیں سی ۔ اینہاں دے زمانے چ [[خراسان]] ازبکاں تے لہندا [[ایران]] عثمانیاں دے حلمےآں دا نشانہ بندا رہئیا تے اندرون ملک وی بد امنی رہی ۔