شیرکوہ دا مکمل ناں اسدالدین شیرکوہ بن شاذی سی تے ایہہ اک [[مسلمان]] عسکری کمانڈر سی تے فاتح [[بیت المقدس|بیت المقدس]] [[صلاح الدین ایوبی|صلاح الدین ایوبی]] دا چاچا سی ۔
شیرکوہ موجودہ [[آرمینیا|آرمینیا]] دے قصبے [[ڈوین]] دے اک [[کرد|کرد]] پنڈ نال تعلق رکھدا سی تے اک کرد حکمران شاذی دا پتر سی تے [[ایوبی سلطنت|ایوبی سلطنت]] دے جد اعلی [[نجم الدین ایوب|نجم الدین ایوب]] دا بھائی سی ، اینہاں دا خاندان [[آل شداد|آل شداد]] نال قریبی تعلق رکھدا سی تے 1130ء چ اینہاں دی حکومت دے خاتمے دے بعد اوہ پہلے [[بغداد|بغداد]] تے بعد چ [[تکریت|تکریت]] منتقل ہوگئے ۔
سنہ 1163ء چ شیرکوہ نے [[نور الدین زنگی|نور الدین زنگی]] نوں قائل کیتا کہ اوہ اسنوں [مصر] بھیجے تاکہ [[سلطنت فاطمیہ|سلطنت فاطمیہ]] دا مسئلہ حل کیتا جاسکے ۔ اس سفر چ [[صلاح الدین ایوبی]] وی اسدے نال سی ۔ کئی مشکل مرحلےآں دے بعد 1169ء چ شیرکوہ دا فاتح دستہ [[قاہرہ|قاہرہ]] چ داخل ہوئیا ، پر 2 مہینے بعد ای اس دا انتقال ہوگئیا تے اسدیاں ذمہ داریاں اسدے بھتیجے صلاح الدین نے سمبھالیاں ، جس نے نور الدین دے انتقال دے بعد [[ایوبی سلطنت]] دی بنیاد رکھی ۔