"<span lang="ur">سپین</span>[[ گٹھ:مضامین جنہاں وچ اردو بولی دا متن شامل اے ]]" دیاں دہرائیاں وچ وکھراپا

'''سپین''' لیندے دکھنی [[یورپ]] چ [[ایبیریا]] جزیریورگا وچ [[یورپی یونین]] دا سنگی اک ازاد دیس اے جتھے قنونی بادشائی راج اے۔ ایدے چڑھدے تے دکھنی پاسے [[بحیرہرومی رومسمندر]] تے ایدر ایدا تھوڑا جیا بارڈر [[برطانیہ]] دے تھاں [[جبرالٹر]] نال رلدا اے جیدے تے سیپن دا وی کلیم ہے، اتر تے چڑھدے اتر ول [[فرانس]] [[انڈورہ]] تے [[خلیج بسکے]] اے، لیندے ول [[پرتگال]] تے [[وڈا سمندر اوقیانوس]] اے جیدے نال ایہدا 1214 [[کلومیٹر]] لماں بارڈر ملدا اے۔ 505,992 مربع کلومیٹر (195,365 مربع میل) تھاں نال ایہ یورپ دا پنجواں تے [[یورپی یونین]] دا دوجا سب توں وڈا دیس اے۔

سپین دنیا دا 51واں تے یورپ دا دوجا سب توں وڈا دیس اے۔ [[پیرینیز]] دے پعاڑ اترچردے چ [[فرانس]] نالوں وکھریاں کردے نیں۔ ایہ رومی سمندر توں [[خلیج بسکے|بسکے دی خلیج]] تک 435 کلومیٹر لما پھیلیا اے تے سپین نوں فرانس توں وکھ کردا اے۔ دکھن وچ [[جبرالٹر]] اے تے [[مراکش]] سپین توں 13 کلومیٹر دور اے۔ [[پرتگال]] سپین دے لیندے دکھن ول اے تے ایہدا بارڈر 1214 کلومیٹر رلدا اے۔ سپین دا اک نکا جیا تھان سپین دے بارڈر توں تھوڑا دور فرانس دے اندر اے۔ اتر وچ ایہدا بارڈر نکے پہاڑی دیس [[انڈورہ]] نال وی رلدا اے۔ سپین دے کج جزیرے [[بحیرہرومی رومسمندر]] چ وی نیں تے کج جزیرے [[بحر اوقیانوس|ایٹلانٹک سمندر]] چ وی نیں۔ سپین دیاں کئی تھاواں اتے تھلے ہوندے علاقے تے پعاڑی علاقے نیں۔ ایناں پعاڑاں توں کئی دریا وی بیندے نیں۔ سیوطہ تے ملیلہ ایس دے اتلے [[افریقہ]] وچ سمندری کنڈے تے تھاں نیں۔

سپین کول [[بحیرہرومی رومسمندر]] ج [[بیلارک جزیرے]] ، [[بحر اوقیانوس]] چ [[کناری جزیرے]]آں توں علاوہ [[آبنائے جبرالٹر]] دے [[بحیرہرومی رومسمندر]] الے پاسے کئی غیرآباد جزیرے نیں جنہاں نوں [[ہسپانوی]] بولی چ ''plazas de soberanía'' (سپینی اقتدار ہیٹھ علاقے) آکھیا جاندا اے ۔ [[بحیرہرومی رومسمندر]] چ اتلے [[افریقہ]] تے سپین وچکار واقع جزیرہ ''البوران'' وی سپین دے کول اے تے اسدے علاقے[[اندلسیہ]] دی میونسپلٹی [[المیریا]] راہیں جزیرے دے معاملے چلائے جاندے نیں ۔

آئیبیریائی تے [[سیلٹ]] ایبریا دے سب توں پرانے واسی نیں۔ لیندے پیرینیز ول باسک سن۔ 1100 م پ وچ دکھن ول تارتیسوس ناں دا نگر سی جیدا کاروبار یونانیاں تے فونیقیاں نال سی۔ کارتھیج والیاں دا [[ایبیریا]] نال جڑدے [[بحیرہرومی رومسمندر]] ول زور سی پر رومیاں نے اوہناں نوں پیونک لڑائیں مگرون ایتھے مل ماریا۔

[[رومی سلطنت|رومیاں]] نے [[بحیرہرومی رومسمندر]] دے کنڈیاں تے کارتھیج دیاں نگریاں دوجی پیونک لڑائی مگروں 210 توں 205 م پ وچ مل ماریا پر [[ایبیریا]] تے مل مارن لئی اوہناں نوں 2 صدیاں لگ گیا بشک ایتھے اوہناں 6 صدیاں تکر راج کیتا۔ رومی راج وچ ایتھے رومی بولی رومی فنون تے رومی سڑکاں وی اپڑیاں۔ سیلٹک تے ہور ایبیریائی رہتلاں تے ہولی ہولی رومی رنک چڑھدا گیا۔ سپین رومی بزار دی منڈی بن گیا۔ سپین توں سونا، ان، زیتون دا تیل تے شراب باہر جاندی سی۔ وائی بیجی وچ وادے لئی کئی ویونتاں دا مڈھ رکھیا گیا جیہڑے ہلے وی ورتے جارۓ نیں۔شہنشاہ ہیڈرین، ٹریجن تے تھیوڈیوسیس تے فلسفی سینیکا ایتھے جمے۔