"<span lang="ur">نیو یارک</span>[[ گٹھ:مضامین جنہاں وچ اردو بولی دا متن شامل اے ]]" دیاں دہرائیاں وچ وکھراپا

'''نیو یارک''' [[امریکہ]] دے اتلے چڑھدے پاسے وچ اک [[صوبہ]] اے۔ اے لوک گنتی دے سعاب چ تیسرا وڈا امریکی صوبہ اے۔ نیویارک دے دکھن ول [[پنسلوانیا]] تے [[نیو جرسی]]، تے چڑھدے ول [[کنکٹیکٹ]]، [[میساچیوسٹس]] تے [[ورمونٹ]] نیں۔ اتر چڑھدے ول ایدا ولگن [[کینیڈا]] نال لکدا اے۔ ایدا شہر نیو یارک 8,000,000 دی لوک گنتی نال [[امریکہ]] دا سب توں وڈا شہر اے۔ نیویارک نوں امریکہ دا بوآ وی کیا جاندا اے جے مہاجر یورپ تے ہور پاسیاں توں نیویارک دی راہ امریکہ آۓ سن۔

11 ستمبر 1609 نوں ہنری ہڈسن پہلا یورپی سی جیہڑا نیویارک شہر دے دوالے دے سمندر وچ آیا۔ اوہ [[ڈچ ایسٹ انڈیا کمپنی]] لئی ایشیا نوں جانوالا راہ لبن لئی ایتھے آیا سی۔ اوہدے واپس پرتن تے اوہدی کھوج دی کہانی یورپ وچ کھلر گئی۔ پہلے ایتھے ڈچاں نے کھل دے بپار لئی کلونیاں بنائیاں تے دیسی لوکاں نال رل کے بپار کرن لگ گۓ۔ انگریزاں نیں ڈچاں دے تھانواں تے مل ماریا تے ایہ تھاں برطانیہ کول آگیا۔ 1760 دے دھاکے وچ ایتھوں دے لوک سٹیمپ ایکٹ دے خلاف اٹھ کھڑوۓ۔ 9 جولائی 1776 نوں نیویارک نے ازادی سدے نوں منن دا ہوکا دتا۔