Satdeep Gill

 

:سلام ستدیپ جی۔ شکریہ تھواڈا میرے صفے تے سنیہا لکھن دا۔ ویر جی اگر تسیں پنجابی شبد لبھنا چاہوگے تے تسیں لبھ لوو گے۔ جیویں جرمن وکیپیڈیا تے جرمن تے چینی وکیپیڈیا تے پہلا حق چینی شبداں دا اے اینج ای پنجابی وکیپیڈیا تے پہلا حق پنجابی شبداں دا اے۔ پنجابی بولی پچھلے لمے چر توں عام سکولاں کالجاں تے دفتراں وچوں باہر اے تے دوجیاں بولیان نے ایہدے حق نوں ماریا ہویا اے۔ ایہ ساڈا کم اے جے پنجابی بولی نوں اوہدا حق دوائیۓ۔ پنجابی وکیپیڈیا تے ہن 30 ہزار توں ودھ صفے بنے ہوۓ نیں۔ ہن سانوں اوہناں صفیاں نوں وڈا کرن تے تے اوہناں دی بولی دی پدھر نوں ودھیا کرن دی لوڑ اے۔ تسیں نویں صفے بناؤ پر اوہ انگریزی، اردو نال بھرے نہیں ہونے چاہی دے۔ وکیپیڈیا تے مشین نال اک بولی چوں دوجی بولی وچ پلٹن نال گل کچھ دی کچھ ہو جاندی اے ایس لئی ایہدے تے روک اے۔ یا فیر صفہ بنا کے تسیں اوہنوں آپ ٹھیک کرو۔ ہندستان دی پنجابی وچ سنسکرت تے ہندی دے شبد چوکھے نیں تے اوہناں دی ورتن وچ ویکھ چاک لینا چانیدا اے۔ جتھے اپنا پنجابی دا شبد ہووے پہلے اوہنوں ای ورتنا چاہیدا اے۔ جدوں ساڈے کول "روہی" شبد ہے تے فیر عربی "صحرا" ورتن دی کوئی لور نہیں پر اک صاحب اینج ای کر رۓ نیں۔ ہن تسیں دسو میں کی کراں؟ مینوں 6واں ورہ اے ایتھے کم کردیاں ہویاں تے میری ایہ چاہ اے جے میری تھاں کوئی ہور آۓ تے مینوں وی کوئی چھٹی ملے۔ تھواڈا ویر --[[User:Khalid Mahmood|Khalid Mahmood]] ([[User talk:Khalid Mahmood|talk]]) 16:35, 17 اکتوبر 2014 (PKT)