بیلیسٹک میزائل

بیلیسٹک میزائل میزائلاں دی اک قسم اے جیڑا کے اپنے نشانے تک پہنچن لئی زمین دے مدار وچ اڈدا اے تے پہلاں توں ہی دسے گۓ نشانے نوں تباہ کر دیندا اے۔ اس میزائل دی اڈان تین حصیاں تے پھیلی ہوندی اے۔ پہلے حصے چ اینوں میزائل دا بالن تکا لاندا اے۔ اے حصہ سیکنڈاں توں لے کے کئی منٹاں دے دورانیہ دا ہو سکدا اے تے ایس وچ کئی راکٹ سٹیجاں وی شامل ہوندیاں نیں۔ دوجے حصے چ اے زمین دے مدار وچ اڈدا اے تے اینوں کوئی تکا نئیں لگ ریا ہوندا تے اس حصے دے دوران اے 1200 کلومیٹر دی اچائی تے وی پہنچ جاندا اے۔ اس توں بعد آلے حصے چ اے زمین دی طرف واپس مڑدا اے تے ڈگنا شروع ہوجاندا اے۔ نوے میزائل اس حصے دے دوران ایدر اودر مڑ کر اپنا نشانہ ٹھیک کردے نیں اس کم آسطے او جی پی ایس سسٹم دی مدد لیندے نیں۔