"<span lang="ur">اکبر</span>[[ گٹھ:مضامین جنہاں وچ اردو بولی دا متن شامل اے ]]" دیاں دہرائیاں وچ وکھراپا
Content deleted Content added
No edit summary |
No edit summary |
||
لیک ۲۷ –
شیرشاہ سوری دے پتر اسلام شاہ دے مرن مگروں ہونوالی آپادھاپی وچ ہمایوں نے دلی تے 1555 وچ مل مار لیا۔ کج چر مگروں ہمایوں مر گیا پر اکبر دے راکھے بیرم خان نے ہمایوں دی موت نوں لکوئی رکھیا تاں جے اکبر دے گدی تے بیٹھن تے کوئی رپھڑ ناں بنے۔ 14 فروری 1554 نوں اکبر نوں راج گدی تے بٹھا دتا گیا۔ اوہنوں کلانور پنجاب وچ 13 دی عمر وچ تاج پایا گیا۔
اکبر جدوں بادشاہ بنیا تو اوس ویلے اوہدی تے اوہدی سلطنت دی قسمت بارے کچھ نہیں کیا جاسکدا سی۔ ہمایوں دے مرن تے اوہدے کول پنجاب دلی تے آگرہ تک دے تھاں سن۔ دلی تے آکرہ اوہدے ہتھوں نکل گے جدوں ایہ سوریاں تے ہیموں دے ہتھ لگے۔ بیرم خان دی آگوی وچ اکبر دی مغل فوج 14 نومبر 1556 نیں پانی پت دی دوجی لڑائی وچ ہمیوں تے سوری نوں دلی دے 80 کلومیٹر اتر وچ ہرایا تے نال ای مغل فوج نے دلی تے آگرے مل مارلیا۔ اکبر دلی وچ اک مہینہ ریا۔ ایس مگرون اکبر پنجاب ول آندا اے جتھے سکندر شاہ سوری ہتھ پیر مار ریا سی۔ اکبر اوہنوں پنجاب وچوں کڈھدا اے تے لہور تے ملتان تے مل مار لیندا اے۔ 1558 وچ اکبر اجمیر راجپوتانہ دے مسلمان آگو نوں نساکے اوتھے مل ماردا اے۔ اوسے ای ورے اک مغل فوج ابراہیم شاہ سوری نوں ہرا کے جونپور تے مل ماردی اے۔ مغل فوج گوالیار دے تکڑے قلعے دا گھیرا کرے نیں تے ایتھے دے سوری آگو نوں ہرا کے ایس نون اپنے ہتھ وج لیندے نیں۔
اتلے ہندستان نوں اپنے ہتھ وج لین مکروں اکبر وشکارلے تے دکھنی ہندستان ول مڑدا اے۔ گونڈوانہ ول مفل فوج اوہدے اک جرنیل آصف خان دے آگوی وچ جاندی اے۔ گونڈوانہ دا راجہ اک نکا منڈا راجہ ویر نارائن سی اوہدی ماں درگاوتی راج چلا رئی سی۔ اکبر نے آپ ایس لڑائی وچ نئیں سی اوہ ازبک باغیاں نال نبڑ ریا سی۔ داموہ دی لڑائی وچ درگاوتی ہارن مگروں اپنے آپ نوں مار لیندی اے تے چوراگڑھ دے ڈگن مگروں ویر نارائن ماریا جاندا اے۔ مغلاں نون اوتھوں انت دا سونا چاندی تے ہاتھی لبھدے نیں۔ درگاوتی دے مرے کھسم دے بھرا نوں ای اوتھے مغل آگو لکا دتا جاندا اے۔ آصف خان تے جدوں ایہ الزام لکدا اے جے اوہنے بؤں سارا لٹ دا مال لکایا اے تے اوہ نس جاندا اے پر فیر اوہ واپس اکبر نال رل جاندا اے تے اوہنوں معاف کردتا جاندا اے۔
اکبر دی نگاہ ہن راجوتانہ ول پیندی اے جس تے مل مارے بنا اکبر اتلے ہندستان تے اپنے راج نوں پکا نہین سمجھ سکدا سی۔ مغل میواڑ، اجمیر تے نگور تے پہلے ای مل مارجکے سن۔ اکبر ہن راجپوتانہ دے اندر تک جانا چاہندا سی۔ ایہ تھانواں پہلے دلی سلطنت تھلے وی نئیں آیاں سن۔ اکبر نے لڑائی وی چھیڑی پر نال ای گل بات دا وی بوآ کھول دتا۔ سارے راجپوت راجواڑے اکبر نال رل جاندے نیں پر اودھے سنگھ جیہڑا رانا سانگا جیہڑا بابر نال کنواہ دی لڑائی لڑ جکیا سی دی نسل توں سی تے اکبر اگے تلوار کڈھ لیندا اے۔ اودھے سنگھ نوں ہراے بنا اکبر راجپوتاں تے تڑی پان دا سفنہ نہیں ویکھ سکدا سی۔
{{Commons|Category:Akbar|اکبر|position=left}}
| |||