"<span lang="ur">تارا پڑھت</span>[[ گٹھ:مضامین جنہاں وچ اردو بولی دا متن شامل اے ]]" دیاں دہرائیاں وچ وکھراپا

Content deleted Content added
No edit summary
No edit summary
لیک ۹ –
پرانے عراق دے واسیاں نے پہلی واری سائنسی ول نال تے میتھمیٹکس نوں نال رلا کے تاریاں نوں پڑھن دی نیو رکھی تے اوہناں دی جانکاری دوجیاں رہتلاں وچ وی گئی۔ ایہ گل پہلی واری پرانے عراقیاں نے ای بجھی جے چن گرہن اک ول تے چکر وچ ہوندے ریندے نیں۔ عراق مگروں یونانی ایس کم وچ اگے آۓ ۔ اوہناں نیں ایہنوں عقل تے جو دسدا سی اوہدے تے ایدا اگے نوں وادھا کیتا۔ تیسری صدی م پ وچ اک یونانی [[ارسٹارچس]] نے زمین دا ناپ کیتا اوہنے [[سورج]] تے [[چن]] دا پینڈا تے ناپ وی ناپیا۔ اوہنے ایہ وی سوچ دتی جے سورج گڑھ اے جیدے دوالے [[زمین]] تے دوجے سیارے کمدے نیں۔ دوسری صدی م پ وچ [[ہپارچس]] نے چن دا پینڈا تے ناپ ناپیا پریسیشن دی سوچ دتی تے [[اسطرلاب]] بنایا۔ ہپارچس نے 1020 تاریاں دی کیٹلاگ بنائی اتلے ادھ دے چوکھے سارے تارہ چرمٹ یونانی تارہ پڑھت ولوں اے بنے نیں۔ انٹیکیتھرا مکینزم نال (150–80 م پ ) کسے خاص در نوں سورج چن تے تاریاں دی تھاں لبی جاسکدی سی۔ اینجدیاں شیواں فیر 14ویں صدی وچ آکے بنن لگیا جدوں تارہ گھڑیاں بنن لگیاں۔
 
8ویں صدی دے مڈھ وچ اسلامی دنیا وچ تارہ پڑھت دا شوق پیا۔ البیرونی نے لونی سلسلے ضلع حیلم پنجاب وچ اک اچی تھاں نندنہ تے ای زمین دا گھیر منیا سی۔ فارسی تارہ پڑھت گرو عبدالرحمن صوفی نے اینڈرومیڈا گیلیکسی دا 964 وچ اپنی کتاب لکھیا۔ عرب تے اسلامی دنیا نے کئی تارہ پڑھت گرو جمے۔ ان گنت تاریاں تے چرمٹاں دے عربی ناں ایس گل دی دلیل نیں۔
 
 
'''سائینسی انقلاب'''
 
[[رینیساں]] وچ [[نکولس کوپرنیکس]] نے ایس سوچ نوں اگے ودھایا جے سورج پربندھ دا گڑھ اے تے زمین چن تے رلویں سیارے سورج دوالے کمدے نیں۔ اوہدے کم وچ لوکاں کیڑے کڈے گلیلو تے [[یوہانس کپلر]] نے اوہدی گل نوں آسرا دتااوہنوں اگے ودھایا تے اوہدی وچ کسے خرابی نوں ٹھیک وی کیتا۔ گلیلیو نے اپنی ہتھیں ودھیا کیتی گئی ٹیلیسکوپ راہیں ایہناں کھوجاں نون سہارا دتا۔
 
 
== بارلے جوڑ ==