"<span lang="ur">پیبلو پکاسو</span>[[ گٹھ:مضامین جنہاں وچ اردو بولی دا متن شامل اے ]]" دیاں دہرائیاں وچ وکھراپا

 

پیبلو پکاسو جوس ریوز بلاسکو (1838–1913) تے ماریہ پکاسو لوپیز (1855–1938) دا پتر سی تے 25 اکتوبر 1881 نوں [[مالگا]]، [[اندلسیہ]]، [[سپین|دکھنی سپین]] وچ جمیا۔ اوہدا پیو اک پینٹر تے آرٹ دا پروفیسر سی تے پکاسو اک مڈھلی پدھر دا ٹبر سی۔ پکاسو نوں نکی عمر چ ای ڈرینگ کرن دا چآ چڑھ گیا۔ 7 ورے دی عمر توں اوہدے پیو نے اوہنوں مورت دی ڈرینگ بنان تے تیل پینٹنگ سکھائی۔ ریوز اک رواجی پینٹر سی تے اپنے پتر نوں وی اوہدر لجانا چاندا سی۔ 1891 نوں ایہ ٹبر [[اے کرونا]] آندا اے جتھے اوہدا پیو آرٹ دا پروفیسر لگدا اے۔ اوتھے اوہ چار سال رینے نیں۔ اکواری پیبلو اپنے دی ادھی بنی اک کبوتر دی مورت نوں بڑے ودیا ول نال پورا کردا اے تے ریوز نوں اندازہ ہویا جے اوہدے 13 ورے دے پتر دا آرٹ اوہدے توں ود ہوگیا اے۔ 1895 وچ ڈفتھیریا نال اوہدی پین کونچیٹا دا مرنا اوہدے لئی اک وڈا دکھ سی۔ کونچیٹا دے مرن مگروں ایہ ٹبر [[بارسیلونا]] آندا اے تے ریوز ایتھے آرٹ پروفیسر لگدا اے۔ ریوز دے آکھن تے اوہنوں 13 ورے دی نکی عمر وچ اک آرٹ اکیڈمی وچ اڑٹ دا اک نتارے مگروں داخلہ ملدا اے۔ اوہدے پیو نے اوہنوں کر دے نال اک کوٹھا کراۓ تے لیدندا اے جے اوہ کلا کم کرے پر اوہنوں تے اوہدے کم نوں اوہ دن وچ کئی واری ویھکدا۔ اوہ 16 ورے دا سی جدوں اوہنوں [[میڈرڈ]] وچ [[سپین]] دے اک وڈے آرٹ سکول فرنینڈو آرٹ اکیڈیمی وچ پڑھن لئی پیجیا جاندا اے پر اوہدے لئی ہر دن خاص ویلے کلاساں وچ جاناں اوکھا سی اوہ ایہ بندی والے جیون توں نسیا پر میڈرڈ وچ اوہنوں پراڈو میوزیم وچ اوہنوں ڈیاگو ویلاسکوئز، فرانسسکو گویا تے ال گریکو دیاں مورتاں ویکھن دا ویلہ وی لبیا۔

 

1900 وچ اوہ آرٹ دے راجگڑھ پیرس جاندا اے تے ایتھے میکس جیکب اک شاعر اوہدا یار بندا اے۔ پکاسو اوہدے کولوں بولی سکھدا اے تے دونویں کٹھے غریبی وچ ریندے نیں۔ 1901 دے پہلے 5 مہینے اوہ میڈرڈ وچ ریا تے اوتھے اک یا سولر نال رل کے آرٹ یون ناں دا میگزین کڈیا جیدے وچ لکھتاں سولر دیاں تے مورتاں پکاسو دیاں سن۔

 

1905 وچ اوہ آرٹ کٹھا کرن والے اک امریکی ٹبر لیو تے گرٹروڈ سٹائن نوں پسند آجاندا اے گرٹروڈ اوہدیاں ڈرائنگ تے مورتاں لے کے پیرس وچ نمیش کردی اے۔ پکاسو اوہدیاں کئی مورتاں بناندا اے ۔ گرٹروڈ اوہنوں [[ہنری ماٹس]] نال ملاندی اے جیدے نال اوہدی یاری ساری حیاتی ریندی اے۔ گرٹروڈ اونوں کلیریبل کون نال -جیہڑی اک امریکی سی تے آرٹ دی شکین سی - ملاندی اے۔ 1907 وچ اوہ پیرس وچ آرٹ دے اک جرمن شکین ڈینیل ہنری کاہنویلر دی آرٹ گیلری نال جڑدا اے۔ اوہ اوہناں پہلے لوکاں وچوں سی جیہڑے پکاسو تے [[جارج براک]] دے رل کے بناۓ گۓ [[کیوبزم]] نوں ہلہ شیری دیندے نیں۔ اوہ [[آندرے دیریں]]، کیس فان ڈونگن، فرنانڈ لیگر، یوان گرس تے ماریس ڈی ولامنک نوں وی تھاپڑا دیندا اے۔

== مورت نگری ==

<gallery>

{{Commons|Category:Pablo Picasso|پیبلو پکاسو|position=left}}

*[http://www.guggenheim.org/new-york/collections/collection-online/show-full/bio/?artist_name=Pablo%20Picasso]ویب سائیٹ

 

{{کیوبزم}}