"ورتن گل بات:Danish47" دیاں دہرائیاں وچ وکھراپا

لکھائی دا خلاصہ کوئی نہیں
 
دانش ویر ، سلام - گل ایہہ وے کہ میریاں ہن دیاں لکھتاں ، گورمکھی پنجابی توں شاہ مکھی پنجابی وچ سافٹ ویئر راہیں لپی وٹاندرا یعنی گورمکھی اکھراں نوں شاہ مکھی اکھراں وچ بدلیا گیا اے ۔ اس لئی اینہاں چ گورمکھی پنجابی چ ورتے جان آلے کئی لفظ نیں ، میں کوشش تاں کردا ہاں کہ اینہاں لفظاں نوں شاہ مکھی چ ورتے جان آلے لفظاں چ ای لکھاں پر کئی وار اوہ رہ جاندے نیں ۔ دوجی گل ایہہ کہ اک دو لکھتاں میں ہندی توں گورمکھی پنجابی تے فیر گورمگھی توں شاہ مکھی چ بدلیا اے اینہاں چ کجھ چوکے لفظ گورمکھی چ ورتے جان آلے نیں جہڑے گورمکھی چ ہندی اثر پاروں نیں ۔ اک ہور گل جے اسیں گورمکھی پنجابی ویکیپیڈیا دیاں لکھتاں نوں پڑھئے (میں گورمکھی پڑھنا جاندا آں) جاں اینہاں نوں شاہ مکھی چ ترجمہ کر کے پڑھئے تاں ایہہ سانوں مشکل نال ایہہ سمجھ آندے نیں ۔ پر گل ایہ وے کہ پنجابی بولی تاں اک ہی اے ۔ اسیں بولدے تاں اکو جہی اے پر لکھن وچ ایہہ بلکل دو علیحدہ بولیاں بن جاندیاں نیں ۔ تواڈا لکھتاں بارے رائے دیں دا شکریہ ۔ میں کوشش کراں گا کہ اینہاں توں گورمکھی لفظ کڈاں تے نویاں لکھتاں وی گورمکھی لفظ ناں ہوں ۔--[[User:Abbas dhothar|Abbas dhothar]] ([[User talk:Abbas dhothar|talk]]) 13:03, 4 ستمبر 2012 (PKT)
====وڈا سمندر - سمندر====
'''سلام'''
 
نیڑے تریڑے 100 ورے پہلے شاعر اقبال نوں جدوں اپنیں سوچاں نوں دسن لئی اردو بولی پوری پیندی ناں دسی تے اوہنے فارسی وچ شاعری دی مڈھ رکھیا جے فارسی وچ بنیاں بنایاں ترکیباں ہے سن تے اوہدا کم چل پیا پر ساہڈے کول ایسی کوئی چنوتی نئیں جے اسیں اپنی ماں بولی نوں جھڈ کے کسے ہور ول تکی اے۔ ساڈی ماں بولی وچ سواۓ شاعری دے کج ہور نئیں لکھیا گیا تے مینوں پتہ اے جے ایتھے پنجابی لکھن والیاں نوں کنج اپنی گل کہن لئی شبد تے باک (sentence) نئیں لبدے۔ اوہ شبد جنہاں دی سانوں لوڑ اے اوہ پنجابی وچ ہے نیں پر کتھے نیں ایہ سانوں نئں پتہ ایہ کنج ہوسکدا اے جے اک بولی جیہڑی ہزاراں وریاں توں بولی جارئی ہوۓ تے اوہدے وچ کج عام شبد ناں ہون۔ اوہ ویلے نیں تے ہور بولیاں دے زبردستی شبداں دے آن نال دبے گۓ نیں تے اسیں ایہناں نوں لباں گے تے اقبال وانگوں ہمت نئیں ہاراںگے تے اپنی بولی نوں، پنجابی بولی نوں اک نویں تے ماڈرن بولی بناواںگے۔
 
اج میں تساں نال پنجابی وکیپیڈیا تے شبداں دے ورتن بارے گل کرنا چاہنا واں۔ ایہ چاہ تے میں کافی چر توں ریا سی تے ایہ کم میں کلا اک کرری سی جے اسیں اک تھاں تے پنجابی وکیپیڈیا دے شبداں بارے آپس وچ صلا کرکے ایہ فیصلا کریے جے کیہڑا شبد ایتھے چلنا چائیدا اے تے کیہڑا نئیں۔ کج شبد لئی فوری فیصلے دے بجاۓ سانوں اوہناں نوں ویلے تے چھڈنا پویگا۔ ایتھے میں ادھارن یا مثال لئی دو شبد تھاڈے اگ ے رکھ ریا واں۔ انگریزی وچ اک سمندر دا ناں اے (Atlantic Ocean) اسیں اوہدا ناں بحر اوقیانوس رکھیا اے۔ جد کے بحر عربی وچ وڈے سمندر نوں کیندے نیں نکے سمندر نوں بحیرہ۔ کیا ایہ ودیا نئیں رویگا جے اسیں بحر نوں وڈا سمندر تے بحیرہ نوں سمندر کیا جاوے۔ انگریزی وچ اک سمندر Red Sea اے اوہ لال سمندر ہونا چاہیدا اے کئی جگہ تے اوہنوں بحیرہ احمر لکھیا جاندا اے جس توں نویں بندے دے کج لے نئیں پیندا تے ساڈی بولی دا حق وی ماریا جاندا اے۔ بحیرہ جپان دے بجا‎ۓ جپانی سمندر پنجابی لگدا اے۔ بجر اوقیانوس دی تھاں وڈا سمندر اوقیانوس کیسا رویگا؟ تے بحر منجمد جنوبی دی تھاں دکھنی جمیا وڈا سمندر۔ اینج ای سانوں ہور وی بولی وٹاندرے کرنے پینے نیں۔ ایہ کم سرکار دے کرن والے نین پر ساڈی سرکار تے پنجابی نوں سکولاں وچ نئیں وڑن دے رئی اوہ ایہ کیوں کرے پر اسیں کراں گے۔ تسیں اپنی راۓ ایتھے دینا یا بیٹھک وچ۔ --[[User:Khalid Mahmood|Khalid Mahmood]] ([[User talk:Khalid Mahmood|talk]]) 20:09, 7 اکتوبر 2012 (PKT)
۴۰,۲۴۹

حصے