وینس ، [[ایڈریاٹک|ایڈریاٹک]] دی ملکہ ، پانیاں دا شہر ، پلاں دا شہر ، روشنیاں دا شہر ، دے ناں توں جانیا جان والا ، [[ دنیا| دنیا]] دے خوبصورت ترین شہراں چوں اک ، [[اٹلی|اٹلی]] دا شہر اے ۔ [[ اطالوی زبان| اطالوی زبان]] چ اسنوں وینیزیا آکھیا جاندا اے ۔ ایہہ ملک دے شمالی علاقے وینیتو دا صدرمقام اے تے اٹلی چ اسنوں کمونے دا درجہ وی دتا ہوئیا اے جسدے زیر انتظام 24 کمونے [قصبات] نیں ۔
وینس شہر دی آبادی 2004ء چ 2 لکھ 71 ہزار سی تے اسدا رقبہ 412 مربعیلومیٹر اے ۔ بادوغہ دے نال شہر نوں بادوغہ وینس میٹروپولٹن علاقے چ شامل کیتا جاندا اے ۔ اسدی کل آبادی 16 لکھ بندی اے ۔
== تریخ ==
تریخی دستاویزات دی عدم موجودگی دی وجہ توں شہر دی ابتدا دے متعلق کجھ وی یعقین نال نئیں کہیا جا سکدا ۔ پر دستیاب معلومات دی روشنی چ تریخ دان متفق نیں کہ شہر دی آبادکاری [[رومی سلطنت|رومی سلطنت]] دے مختلف شہراں چوں بے دخل کیتے گئے لوکاں نال ہوئی ۔ اینہاں شہراں چ بادوغہ ، اکوئلہ تے کونکوردیا [موجودہ پورتو گوروآرو] وغیرہ دے ناں لئے جا سکدے نیں جتھے دے لوک بربریاں دے حملیاں دی وجہ توں بے دخل ہوئے سن ۔
== تہذیب و تمدن ==
وینس دا شمار 16ویں صدی دے یورپ دے مشہور ترین موسیقی دے مرکزاں ہندا سی ۔ جتھے [[آدریان ولائرت|آدریان ولائرت]] تے اوہناں ورگے کئی دوجے موسیقاراں نے وینیشن پولکرول طرز دی موسیقی مرتب کیتی ۔ وینس دا شمار اوہناں شہراں چ ہندا اے جتھوں موسیقی دے تحریری کم دا آغاز ہوئیا تے اسدی وجہ توں یورپ دے کئی علاقیاں خاص طور تے [[فرانس|فرانس]] تے [[فلانڈرز|فلانڈرز]] توں موسیقار وینس ول کھیچدے چلے آئے ۔