"<span lang="ur">ہٹلر</span>[[ گٹھ:مضامین جنہاں وچ اردو بولی دا متن شامل اے ]]" دیاں دہرائیاں وچ وکھراپا

== جیون ==

ہٹلر [[براؤ ناؤ ایم ان]]، [[آسٹریا-ہنگری]] وچ 20 اپریل 1889 نوں جمیا۔ اودے پیو دا ناں الوئس ہٹلر (1837–1903) تے ماں دا ناں کلارا پولزل (1860–1907) سی۔ جدوں ہٹلر تن ورے دا سی تے ایہ ٹبر [[پساؤ]] آگیا۔ تن وریاں مگروں 1895 وچ ایہ ٹبر لیونڈنگ ([[لنز]] دے نیڑے) آجاندا اے۔ رٹائر ہون تے الوئس ہٹلر اپنے ٹبر نوں لے کے لامباخ رہن لک پیندا اے۔ ایتھے اک نیڑے دی تھاں فشلہام وچ ہٹلر نوں پڑھنے پایا جاندا اے۔ اپنے پیو دیاں چیزاں وچ [[جرمن فرانس لڑائی]] دی اک فوٹو ویکھ کے ہٹلر لڑائیاں وچ دل لا لیندا اے۔

الوئس دا وائی بیجی دا کم ناں چل سکیا تے ایہ ٹبر نوں لے کے لامباخ آگیا ایتھے ہٹلر نے گرجے دی گانوالی ٹولی نال رل کے گیت گاۓ۔ 1898 وچ ایہ ٹبر پکا پکا لیونڈنگ آگیا۔ ایتھے اہدے نکے بھرا دی 2 فروری 1900 وچ موت نے اوہدے تے ڈاہڈا اثر پایا تے باہر پھرن ٹرن دا شکین تے ہسن بولن والا منڈا اک پیو تے استاداں نال لڑن والے تے سوچاں وچ کم منڈے وچ پلٹ گیا۔ الوئس نے کسٹم دے محکمے وچ نوکری کیتی سی تے اوہ چاہندا سی جے اوہدا پتر وی ایدھر ای جاۓ پر ہٹلر آرٹ دے سکول جانا چاندا سی۔ دونویں پیو پتر اپنی گل دے پکے سن۔ ستمبر 1900 وچ الوئس نے ہٹلر نوں لنز وچ اک سکول پیجیا پر اوہدا ایس پڑھائی وچ دل ناں لگیا تے اوہ پڑھائی وچ ماڑا ای ریا۔