"تاتاری" دیاں دہرائیاں وچ وکھراپا

۴ بائیٹس رلائیاں ، ؜ ۱۲ years ago
لکھائی دا خلاصہ کوئی نہیں
(Created page with 'تاتاری منگولاں دے اک قبیلے تاتامنگو نال منسوب ، جہڑے اتلے لہندے صحرائے گوبی واقع وسط ایشیا د...')
 
No edit summary
تاتاری منگولاں دے اک قبیلے تاتامنگو نال منسوب ، جہڑے اتلے لہندے [[صحرائے گوبی]] واقع [[وسط ایشیا]] دے رہن آلے سن ۔ ہولی ہولی ایہہ ناں عام [[منگول]] قبیلےآں لئی جنہاں چ [[چنگیز خان]] دا قبیلہ وی سی ، لئی ورتیا جانہہ لگا ۔ اینہاں دا وطن اج کل [[روس]] دی وفاقی اکائی [[تاتارستان]] تے اسدا نالدا علاقہ اے ۔ تریخی طور تے تاتاریاں دا وطن [[ترکستان]] تے اسدے نال لگدے علاقے جنہاں تے تاتاریاں نے مل مار لئیا سی ، سن ، جہڑے تارتری کہلاندے سن ۔ تاتاریاں دی وڈی گنتی اج کل [[روس]] دے علاقے [[سائبیریا]] تے جمہوریہ [[تاتارستان]] تے [[دریائے وولگا]] دے علاقےآں چ آباد اے ۔ اینہاں لوکاں نوں 13ویں صدی دے منگول حملہ آوراں دی اولاد سمجھئیا جاندا اے ۔ [[روس]] ، [[افغانستان]] ، [[ایران]] تے [[ترکستان]] دے علاقے چ وی تاتاریاں دی کافی تعداد آباد اے ۔ روس دے یورپی علاقے ، [[یوکرائنیوکرائین]] تے یوکرائن دی خودمختار جمہوریہ [[کریمیا]] ، [[بیلورشیا]] ، [[پولینڈ]] تے [[فن لینڈ]] چ وی تاتاریاں دیاں کئی نکیاں نکیاں آبادیاں آباد نیں ، بلکہ [[کریمیا]] تے اصل چ [[کریمیائی تاتار]]یاں دا اصل وطن سی تے 4 صدیاں تک اوہ اک آزاد ریاست دے طور تے [[دنیا]] دے نقشے تے موجود رہئیا ۔ تاتاری لوک مذہبا [[مسلمان]] نیں ۔
 
شروع شروع تاتاری [[خانہ بدوش]] قبیلےآں دی شکل چ جانوراں دے اجڑ لے کے صحرا چ پھردے سن ، پر ہن باقاعدہ واہی بیچی کرن لگے نیں ۔
 
13ویں صدی عیسوی چ منگول تاتاریاں نے [[چنگیز خان]] دے پتر [[جوجی خان]] دے آگوائی چ [[منگولیا]] توں لے کے [[یورپ]] دے ادھ تک اک وڈی سلطنت قا‏ئم کیتی جس نوں تریخ چ [[آلتین اوردا]] ([[انگریزی]] چ [[گولڈن ہورڈ]]) آکھئیا جاندا اے ، جس چ سارا [[روس]] ،[[یوکرائنیوکرائین]] ، [[بیلاروس]] ، [[پولینڈ]] دا کجھ حصہ [[رومانیہ]] دا کجھ حصہ تے دوجے یورپی علاقے شامل سن ۔ دوجے بنے اینہاں ای منگول تاتاریاں نے [[چین]] تے دوجے نالدے علاقےآں تے مل مارئیا تے [[چنگیزخان]] دے پوتے [[قبلائی خان]] نے ایتھے اک وڈی سلطنت قا‏ئم کیتی ۔ چنگیز خان دے ای اک جانشین [[چغتائی خان]] نے [[ترکستان]] ، مشرقی ترکستان تے [[افغانستان]] دے کجھ علاقےآں تے [[چغتائی سلطنت]] قائم کیتی ۔
 
[[ایران]] تے ملحقہ علاقےآں تے اینہاں منگول تاتاریاں نے [[ایل خانی سلطنت]] قائم کیتی ، جس نے [[بغداد]] دی [[خلافت عباسیہ]] دا خاتمہ کردتا تے بعد چ ایہہ منگول تاتاری مسلمان ہو گئے سن ۔