الپ ارسلان اک [[سلجوق|سلجوق]] سلطان سی جہڑا اپنے چاچا [[طغرل بیگ|طغرل بیگ]] دے بعد تخت تے بیٹھا ،اسنے 1063ء توں 1072ء تک حکومت کیتی ۔ ایہہ بہت بہادر تے بیدار مغز بادشاہ سی ۔ مشہور مدبر [[نظام الملک طوسی|نظام الملک طوسی]] نوں اپنے باپ [[چغری بیگ|چغری بیگ]] دی شفارش تے وزیر سلطنت مقرر کیتا ۔ اس دے دور چ [[سلجوق سلطنت|سلجوق سلطنت]] دیاں سرحداں بہت وسیع ہوئیاں ، [[ہرات|ہرات]] تے [[جند|جند]] [[[ماوراءالنہر|[ماوراءالنہر]] ] نوں اپنی سلطنت چ شامل کیتا تے فیر [[فاطمی|فاطمی]] حکمران نوں شکست دے کے [[ مکہ| مکہ]] تے [[مدینہ|مدینہ]] اپنی قلمرو چ شامل کیتے ۔ اس دے نال اسلامی دنیا چ سلجوقیاں دا اثر تے اقتدار ودھ گئیا ۔ [[بازنطینی سلطنت|بازنطینی سلطنت]] نے سلجمق سلطنت تے حملہ کیتا تے الپ ارسلان نے 26 اگست 1071ء چ جنگ ملازکرد چ اوہناں نوں عبرت ناک شکست دتی تے [[قیصر روم|قیصر روم]] [[رومانوس چہارم|رومانوس چہارم]] نوں گرفتار کرلئیا ۔ قیصر روم نے نا صرف تاوان جنگ دتا بلکہ خراج دین تے وی رضامند ہوئیا تے اپنی دھی دا ویاہ سلطان دے پتر نال کردتا ۔ [[آرمینیا|آرمینیا]] تے [[جارجیا|جارجیا]] [ [[گرجستان|گرجستان]] ] دے علاقے وی سلجوق سلطنت دے حوالے کردتے ۔ خوازمی ترکاں دے خلاف مہم چ قیدی بنا کے لئیائے گئے خوازمی گورنر [[یوسف الخوارزمی|یوسف الخوارزمی]] دی تلوار نا ل شدید زخمی ہوئیا تے 4 دن بعد 25 نومبر 1072ء چ صرف 42 سال دی عمر چ انتقال کرگئيا ۔ الپ ارسلان نوں [[مرو|مرو]] چ اسدے والد چغری بیگ دی قبر دے برابر دفن کردتا گئیا ۔
