جیبھ
| جیب | |
| |
| انسانی جیب | |
جیب، ریڑھ دی ہڈی آلے جنوراں دے منہ دے فرش تے پانی آلا، پٹھیاں نال بنیا اک انگ اے جو خوراک نوں جبان وچ مدد کردا اے۔ اے خوراک نوں چکھن آلا مڈھلا انگ اے کیوں جےایہدی اوپری تھاں تے چکھن آلے بڈ تے پیپیلے ہوندے نیں۔ ایہ حساس ہوندی اے تے تھک نال گلی رہندی اے، ایہدے وچ حسی ریشے تے لعو نالیاں ہوندیاں نیں۔ انساناں وچ ایہدا دوجا کم اواز بنان چ مدد کرنا اے۔ ایہ دنداں صاف کرن دا قدرتی ذریعہ اے۔ کج بولیاں وچ جیب تے ماں بولی دا اکو مطلب لیا جاندا اے۔
وکھالہ
سودھوجیب اٹھ پٹھیاں دی بنی اے۔ چار "ایکسٹرنسک (بارلے) پٹھے" تے چار "انٹرنسک (اندرلے) پٹھے". ایکسٹرنسک (بارلے) پٹھے, ہڈی نال جڑے ہوندے نیں تے جیب دی تھاں بدلن دا کم کردے نیں تے انٹرنسک (اندرلے) پٹھے کسی ہڈی نال نئی جڑے ہوندے تے جیب دی شکل بدلن دا کم کردے نیں۔
ایکسٹرنسک (بارلے) پٹھے
1- جینیوگلوسس
2- ہائیوگلوسس
3- سٹائیلو گلوسس
4- پیلیٹو گلوسس
ایکسٹرنسک (بارلے) پٹھے، ہڈی توں نکلدے نیں تے جیب تک جاندے نیں۔ ایہ جیب دی تھاں بدلن وچ مدد کردےنیں جے جیب باہر کڈو یا آسے پاسے کمعاؤ۔
انٹرنسک (اندرلے) پٹھے
1- اتلے لمے پٹھے
2- تھلویں لمے پٹھے
3- کھڑے پٹھے
4- پئے پٹھے
انٹرنسک (اندرلے) پٹھیاں د مڈھلا کم جیب نوں شکل دینا ہوندا اے۔ ایہ جیب دی تھاں نئی بدلدے تے نا ای کسی ہڈی نال جڑے ہوندے نیں۔
لعو نالیاں
جیب نوں "لنگوئل آرٹری" توں لعو لبدا اے جو "بارلی کیروٹڈ آرٹری" دی ٹہنی اے۔ "لنگوئل وین" توں لعو نکل کے "اندلری جگولر وین" وچ جاندا اے۔ ایس توں علاوہ جیب نوں "مکھڑی آرٹری دی "ٹانسلر ٹہنی" تے "اتلی فیرینجیئل آرٹری" توں وی لعو آندا اے۔
لمائی جیب دی لمائی "اورو فیرنکس" توں لے کے ایہدے سرے تک 10 سینٹی میٹر (4 انچ) ہوندی اے۔
ریڑھ دی ہڈی رکھن آلے زیادہ تر جنوراں وچ جیب ہوندی اے۔ کتے تے بلی ورگے میملاں وچ فر تے پنڈے نوں صاف کرن لئی جیب ہوندی اے۔ ایہناں دی جیب بہت کھردری ہوندی اے تے ایہناں نوں تیل تے کیڑے مکان لئی مدد کردی اے۔ کتے دی جیب دا اک کم تاپ نوں کم کرنا وی اے۔ جدوں اک کتا ود کم کردا اے تے اوہدے وچ لعو وگن ود جاندا اے، جنوں کم کرن لئی کتا جیب باہر کڈدا اے جیدی نمی توں لعو وگن کم ہو جاندا اے۔
کج جنوران وچ جیب دا مقصد، شکار نوں پکڑنا ہوندا اے جیویں ڈڈو، گرگٹ تے کیڑی مار وچ "پھڑن جیب" ہوندی اے۔
مچھیاں دے منہ وچ جیب ورگا انگ ہوندا اے پر او پٹھے دا نئی بنیا ہوندا تے چوپایاں دی اصلی جیب ورگا نئی ہوندا۔
فزیالوجی
سودھواو کیمکل جو "سواد ریسیپٹر ولگناں" نوں چالو کردے نیں، اوہناں نوں "ٹیسٹینٹ" آکھی دا اے۔ جدوں اک واری ٹیسٹینٹ، تُھک وچ حل ہو جائے تے ایہ "گسٹیٹری والاں" نال رابطہ کردے نیں جو سواد بدلی دا کم کردے نیں۔
جیب دی اتلی تھاں تے بہت سارے "سواد بڈ" ہوندے نیں تے ہر بڈ وچ سواد ریسیپٹر ولگن ہوندے نیں جو اک خاص سواد نوں چکھ سکدا اے۔ جیب تے مٹھا، کوڑا ، نمکین، تے کھٹے سواد لئی سواد ولگن ہوندے نیں۔
بارلے جوڑ
سودھو| وکیمیڈیا کامنز چ مورتاں: جیب |
باہرلے انگ : - سر · متھا · مُکھ · اکھ · نک · بُلھ · ٹھوڈی · کن · ہتھ · انگلاں · انگوٹھا · چیچی · نون٘ہہ · لت · بان٘ہہ · جباڑھا · بال · پیر · گوڈا · گوڈے دی چپݨی · گٹا · چھاتی · کھل · موڈھا · دھوݨ · گھنڈی · سینا · پِنّی · ڈھڈ · دُھنّی · لَک · ڈھُوہ · پَٹ
اندرلے انگ : - کلیجا · دل · نکی آندر · گردے · معدہ · پھپھڑے · آنڈاتھیلی · پینکریاز · دماغ · ہڈی · وڈی آندر · پِتّا · لہو
مونہہ دے اندرلے انگ : - مون٘ہہ · جیبھ · دند · حلق · حلق دا کاں