تیندوا

تیندوا
دیس :	جانور
برادری :	کورڈیٹ
پتی :	ماس کھانے
ٹبر :	بلی ٹبر
ٹوکرا :	شینہ
سائینسی ناں :	Lynx pardinus

تیندوا ، بلی ٹبر دا اک گوشت خور جانور اے ۔ ایہنوں پنجاب تے ازادکشمیر وچ گلدار وی کہندے نیں۔ ایہ بلی ٹبر دے 4 وڈیاں وچ کنیا جاندا اے۔ ایہ افریقا تے ایشیا دے کچھ تھانواں تے رہ گیا اے ۔ تیندوا شیر، ببرشیر تے جیگوار مگروں چوتھا وڈا بلا اے۔ شینہ ٹوکرے دے ہور سنگیاں دے آڈے وج ایہدیاں لتاں نکیاں، لماں پنڈا تے وڈی کھوپڑی ہوندی اے۔

دکھالا

ایہ وزن چ چیتے نالوں بھارا ہندا اے تے اسدا مونہہ وی چیتے نالوں کجھ وڈا ہندا اے۔ ایہ 90-190 سینٹی میٹر لما ہوندا اے تے ایہدی پوچھل 60-110 سینٹی میٹر تک لمی ہوندی اے۔ نر تیندوہ 40-90 کلو تک دا ہوندا اے تے مگراں تے 70-80 سینٹی میٹر اچا ہوندا اے۔ مادھ ادھے ناپ تے 30-60 کلو جوکھ دی ہوندی اے۔ ایہدی کھٹی رتی کھل تے کالے رنگ دے نشان ہوندے نیں۔

پسار

پاکستان وچ ایہ لہندے ہمالیا دے پہاڑی جنکلاں وج ملدا اے ۔ مچھیارا نیشنل پارک ازادکشیمر ایہدا اک ٹھکانہ اے۔ افریقی وڈی روہی دے دکھن وچ ایہدا سب توں جوکھا پسار اے۔ ایہ ایران وچ ملدا اے۔

ہور دیکھو

• ببر شیر
• جیگوار
• شیر
• چیتا

باہرلے جوڑ

• مچھیارا نیشنل پارک
• تیندوا بچاؤ - پاکستان