تھامس پین اک انگریز امریکی لکھاری، سیاسی کمی، فلسفی تے انقلابی سی۔ اوہنے امریکی انقلاب دے مدھ تے دو لکھتاں لکھیاں جنہاں امریکی لوکاں دیاں سوچاں تے گوڑا اثر پایا۔

Thomas Paine rev1.jpg

اوہ انگلینڈ دی نارفوک کاؤنٹی دی تھاں تھیٹفورڈ وچ جمیا۔ پین 1774 وچ بنجمن فرینکلن دے کہن تے امریکہ آیا۔ امریکی انقلاب وج اوہدے آرٹیکل (Common Sense) نے امریکی لوکاں وچ تکڑی سوج پائی جے سانوں برطانیہ توں وکھ ہونا چاہیدا اے۔

1790 دے دھاکے وچ اوہ فرانس وچ سی تے انقلاب فرانس وچ حصہ لے ریا سی۔ (Rights of Man) فرینچ انقلاب لئی اوہدیاں لکھتاں سن۔ اونوں فرانس وچ اکواری جیل وی پیجیا گیا۔ اوہدی لکھت The Age of Reason (1793–94) تے لوکاں بڑیاں انکلاں چکیاں۔

1802 وچ اوہ امریکہ واپس آیا۔ 1809 وچ اوہ مریا تے اوہدیاں ازاد مزہبی سوچاں باہجوں 8 لوک ای اوہدے جنازے وج سن۔