بلونت رائے مہتا
| بلونت رائے مہتا | |
|---|---|
 |
|
| جم | 19 فروری 1900 |
| وفات | 19 ستمبر 1965 (65 سال) |
| طرز وفات | مردم کشی |
| شہریت |  بھارت (۲۶ جنوری ۱۹۵۰–) |
| جماعت | انڈین نیشنل کانگرس |
| عملی زندگی | |
| پیشہ | سیاست دان، صحافی، حریت پسند |
| پیشہ ورانہ زبان | ہندی |
ترمیم  | |
بلونت رائے مہتا (Balwantrai Mehta) اک گجراتی بھارتی سیاست دان، تے گجرات دے دوسرے وزیراعلا سی۔ اوہناں نے بھارت دی آزادی دی تحریک وچ حصا لیا تے بعد وچ وکھ وکھ عوامی عہدیاں اُتے فائز رہے۔ جمہوری عدم مرکزیت لئی اوہناں دے تعاون دی وجہ توں اوہناں نوں پنچایتی راج دا معمار سمجھیا جاندا اے۔
مڈھلا جیون سودھو
بلونت رائے گوپال جی مہتا 19 فروری 1900 نوں ریاست بھاونگر وچ اک متوسط گھرانے وچ پیدا ہوئے سن۔
سیاسی کیریئر سودھو
اوہناں نے 1920 وچ عدم تعاون دی قومی تحریک وچ شمولیت اختیار کيتی۔ اوہناں نے اس ریاست وچ تحریک آزادی نوں اگے ودھاؤݨ لئی 1921 وچ بھاونگر پرجا منڈل دی نیہہ رکھی۔ انہاں نے 1930 توں 1932 تک سول نافرمانی دی تحریک وچ حصہ لیا۔ انہاں نے باردولی ستیہ گرہ وچ وی حِصا لیا۔ اوہناں نوں 1942 دی ہندوستان چھڈو تحریک وچ تن سال قید دی سزا سݨائی گئی۔ برطانوی کالونی دے دوران اوہناں نے کل ست سال جیل وچ گزارے۔ موہن داس گاندھی دی تجویز اُتے اوہناں نے کانگریس ورکنگ کمیٹی دی رکنیت قبول کيتی۔ جَد جواہر لال نہرو آل انڈیا کانگریس کمیٹی دے صدر بݨے تاں اوہ اوہدے جنرل سکریٹری مُنتخب ہوئے۔ اوہ دو بار منتخب ہوئے، 1949 وچ تے دوبارہ 1957 دے بھارتی انتخابات وچ دوسری لوک سبھا لئی گوہیل واڑ (بھاونگر) حلقے توں مُنتخب ہوئے۔[۱]
اوہ پارلیمنٹ دی تخمینا کمیٹی دے چیئرمین سن ۔ اوہناں نے جنوری 1957 وچ کمیونٹی ڈویلپمنٹ پروگرام تے نیشنل ایکسٹینشن سروس دے کم کاج دا جائزہ لیݨ تے اوہناں دے بہتر کم کرن لئی اقدامات تجویز کرن واسطے کمیٹی دی سربراہی کيتی۔ کمیٹی نے نومبر 1957 وچ اپݨی رپورٹ پیش کيتی تے 'جمہوری عدم مرکزیت' دی سکیم دے قیام دی سفارش کيتی جو بِلآخر 'پنچایتی راج' دے ناں توں مشہور ہوئی۔[۲][۳]
اوہ 1921 وچ لالا لاجپت رائے دی قائم کردہ اک سماجی خِدمت دی تنظیم سرونٹس آف دی پیپل سوسائٹی دے صدر وی رہے۔[۴]
اوہ 25 فروری 1963 نوں جیوراج نارائن مہتا توں بعد گجرات دے دوسرے وزیر اعلا دے عہدے اُتے فائز ہوئے۔
موت سودھو
پاک بھارت جنگ 1965 دے دوران، 19 ستمبر 1965 نوں اودوں دے وزیر اعلا مہتا بلونت رائے نے ٹاٹا کیمیکلز، مٹھا پور توں پاکستان تے بھارت دے درمیان کچھ دی سرحد تک اک بیچ کرافٹ مسافر طیارے وچ اڑان بھری۔ طیارے دا پائلٹ جہانگیر انجینئر اوہنوں اڑا رہے سی، جو کہ بھارتی ہوائی فوج دے سابق پائلٹ سن۔ اوہنوں پاکستان ایئر فورس دے پائلٹ قیس حسین نے مار گرایا، جیہناں نے اوہنوں اک جسوسی مشن سمجھیا۔ مہتا اپݨی اہلیہ، عملے دے تن ارکان، اک صحافی تے عملے دے دو ارکان دے ناݪ حادثے وچ ہلاک ہو گئے۔[۵][۶]
اگست 2011 وچ قیس حسین نے جہانگیر انجینئر دی دھی نوں اپݨی غلطی اُتے معافی منگدے ہوئے لکھیا کہ "پاکستانی کنٹرولرز دے ذریعے اک سویلیئن طیارا غلطی ناݪ جسوس طیارا سمجھیا گیا، تے اوہناں نوں اس طیارے نوں مار گراؤݨ دا حکم دتا گیا۔"[۶][۷]
یادگاری سودھو
محکما ڈاک، حکومت بھارت نے 17 فروری 2000 نوں اوہناں دے 100ويں جمݨ دیہاڑ دی ياد وچ 3.00 فیس ویلیو INR دا اک خصوصی ڈاک ٹکٹ جاری کيتا۔[۸][۹]
ہور دیکھو سودھو
حوالے سودھو
- ↑ Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).
- ↑ Mathew, George (1995). Status of Panchayati Raj in the States of India, 1994. Concept Publishing Company, 5–. ISBN 978-81-7022-553-9.
- ↑ (1 January 2004) Grassroots Democracy in Action: A Study of Working of PRIs in Haryana. Concept Publishing Company, 11–. ISBN 978-81-8069-107-2.
- ↑ Grover, Verinder (1993). Political Thinkers of Modern India: Lala Lajpat Rai. Deep & Deep Publications, 547–. ISBN 978-81-7100-426-3.
- ↑ Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).
- ↑ ۶.۰ ۶.۱ "Pakistan pilot's 'remorse' for 1965 shooting down". BBC. 10 August 2011. https://www.bbc.co.uk/news/world-south-asia-14481483.
- ↑ Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).
- ↑ Jain, Manik (2008). Phila India Guide Book. Philatelia, 166.
- ↑ Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).