اینٹی ڈوگمینا

بائبل (انجیل) دے نویں عہد نامہ دیاں اوہ کتاباں یاں صحیفے جنہاں نوں شروع شروع چ مختلف فرقےآں دے سرکردہ پادری مقدس نئیں مندے سن ، بھانویں بعد چ اینہاں نوں تقدس دا درجہ دے دتا گئیا سی ۔ اس دی وجہ ایہہ سی کہ ایہہ حصیفے عبرانی بولی چ نئیں ملدے سن ، بلکہ ابتدا چ یونانی بولی چ لکھے گئے سن ، اینہاں دی گنتی بوہت زیادہ سی پر جہڑے صحیفے مقدس منے گئے اوہ ایہہ نیں ۔

پولس دا خط عبرانیاں دے ناں ، مقدس جیمز دا خط ، مقدس پطرس دا دوجا خط ، یوحنا دا دوجا ، تیجا خط ، مقدس جودی دا خط تے یوحنا دا مکاشفہ ، ایہہ ساریاں لکھتاں ہن بائبل دا حصہ نیں ۔