کالی نھیری

پنجاب وچ بساکھ، جیٹھ، ہاڑھ دے سُکے موسم وچ میدانی علاقیاں وچ طوفانی ہواواں مِٹی گھٹے تے غبار دے بدلاں نال آوندیاں نیں، ایہنوں نھیری کہیا جاندا اے ۔

کالی نھیری

کالی نھیری

ایہ طوفان اپݨے نال کالے رنگ دے گرد و غبار دے بدل لیاوندے نیں جیہناں نال نھیری دا رنگ کالا ہو جاندا اے ۔ جد ایہ طوفان آوندے نیں تاں کالی نھیری دی صورت وچ محول اُتے گھٹا ٹوپ نھیرا چھا جاندا اے ۔

نھیری دیاں تباہیاں

نھیری وچ ہوا دی رفتار بہت تیز ہُندی اے جیہدے نال بہت زیادہ تباہی ہُندی اے ۔ رکھ تے کھمبے وغیرہ جَڑھ توں اُکھڑ جاندے نیں، فصلاں تباہ ہو جاندیاں نیں، ڈنگر پسوآں دا وی نقصان ہوجاندا اے ۔ عمارتاں دیاں چھتاں اُڈ جاندیاں نیں تے ڈاڈھا نقصان ہُندا اے ۔ ایہ طوفان بڑے لمبے فاصلے طے کردے نیں تے ہُݨ تک دی گویڑ دے مطابق ایہ فاصلا دو توں ڈھائی ہزار میل ہو سکدا اے ۔