چرچ آف انگلینڈ
انگریزی کلیسا ۔ انگریز عیسائیاں دا مذہبی نظام ۔ انگریزی کلیسا وی پہلے پاپائے روم نال ملحق سی ۔ پر اس نال ایہہ نا سمجھنا چاہیدا کہ عیسائی مذہب انگلستان چ رومی سلطنت دے نال داخل ہوئیا ۔ سبتوں پہلے مقدس آگسٹین نے انگریزاں نوں عیسائی مذہب نال روشناس کروائیا ۔ تے کنٹری بری کینٹ نوں اپنا مرکز بنائیا ۔ شروع چ مقدس آگسٹین دی جماعت وی کلیسائے روم دا اک حصہ سی ، پر صحیح معنےآں چ انگریزی گرجا نارمن فتح دے بعد یورپ دے انتظامی اقتدار دے ہیٹھ آئیا ، پر ایہہ جماعت کسے ویلے وی مکمل طور تے پوپ دے ماتحت نا آئی تے اس دا ناں کیتھولک چرچ آف انگلینڈ ای رہئیا ۔
پروٹسٹنٹ اصلاحات دے دوران ہنری VI نے پوپ دے جوئے نوں مکمل طور تے لاہ سٹئیا تے شاہ انگلستان امیر جماعت تے محافظ قرار پائیا ۔
ایہہ جماعت حسب ضابطہ انگلینڈ دی شاہی مذہبی جماعت اے تے دیس دا اک اہم محکمہ بنی ہوئی اے ۔ اس جماعت دے بشپ یعنی لاٹ پادری اپنے عہدے دے پاروں برطانوی پارلیمنٹ دے دارالامراء دا رکن ہندا اے تے قنون سازی دے موقعے تے اسدی مخالفت کر سکدا اے ۔ ایڈورڈ VIII دی تخت دستبرداری چ ایسے طبقے دا ہتھ سی ۔
16ویں صدی عیسوی چ مذہبی آزادی دے اصول نوں تسلیم کر لئیا گئیا تے ہر مذہب تے ملت دے لوک انگلستان چ بلا خوف تے خطر جیون بتان لگے ۔ پر حالے وی انگلستان دے دو تہائی نویں جمن آلے بچے چرچ آف انگلینڈ دے گرجےآں چ جا کے " بپتسمہ" لیندے نیں ۔
کنٹری بری دا آرچ بشپ سارے نظام دا سردار اے ۔ اسدے انتظامی عہدے دا ناں پرائمیٹ اے ۔ اس دے تھلے ویلز تے آئرلینڈ اے ۔
اس دی اک چرچ اسمبلی اے جس چ پادریاں دے علاوہ دوجے رکن وی ہندے نیں ۔ ایہہ صرف انتظامی امور لئی منعقد ہندی اے ۔ اس اسمبلی دے وضع کردا قنون پارلیمنٹ چ جاندے نیں ، جہڑی اینہاں نوں رد کر سکدی اے پر اینہاں چ ترمیم نئیں کر سکدی تے جے منظور کرے تے شاہی مہر لگ کے دوجے قنوناں وانگ نافذ العمل ہندے نیں ۔
ہور ویکھو سودھو
حوالے سودھو
1۔ فیکٹ فائل:انگلستانی گرجا پورے جگ چبی بی سی فیکٹ فائل ۔
- چرچ آف انگلینڈ دی تریخ Archived 2010-02-21 at the وے بیک مشینانگلستان دے گرجے دے لاٹ پادری دی کونسل ۔
باہرلے جوڑ سودھو
- ویسٹ انڈیز چ انگلستانی گرجے دی تریخ Archived 2011-07-06 at the وے بیک مشین