پٹھورا
پٹھورا | |
---|---|
سروت | |
متعلق دیس | برصغیر پاک و ہند |
علاقہ | پنجاب، پاکستان، شمالی ہند |
کھانے دا ویروا | |
مکھ سامان | میدا، دہیں، گھے یا تیل، خمیر |
پٹھورا جنوبی ایشیا دی اک روٹی دی قِسم اے جیہڑی گھے یا تیل وچ تَݪ کے بݨائی جاندی اے۔ ایہنوں عام طور تے چنےآں ناݪ کھایا جاندا اے۔ برصغیر پاک و ہند توں شروع ہوݨ آݪی خوب تݪی ہوئی خمیری کھٹی روٹی اے ۔ عام طور تے ایہنوں شمالی تے مشرقی بھارت، پنجاب، پاکستان وچ دوپہر دے کھاݨے یا ناشتے وچ پیش کيتا جاندا اے۔ چنے دے سالݨ ناݪ ایہ روايتی پکوان چنے پٹھورے کہلاؤندا اے، جیہد دا آغاز پنجاب توں ہويا۔ [۱][۲] پٹھورے دی شکل پوری (حلوہ پوری دی پوری) ناݪ مشابہ ہُندی اے تے پوری دی طرحاں ایہ وی خمیری آٹے توں ہی بݨدی اے۔ [۳]
ترکیب سودھو
روايتی پٹھورے دے اجزاء وچ آٹا، میدا، دہیں، گھے یا تیل تے خمیر یا بیکنگ پاؤڈر شامل ہُندے نيں۔ اک وار چنگی طرحاں گُنھے جاݨ مگروں آٹا پُھلݨ لئی چَھڈ دِتا جاندا اے تے فیر اس آٹے دے چھوٹے چھوٹے پیڑے ہتھ وچ لپیٹ کے یا بیلݨے ناݪ بیل کے چپٹے کر لئے جاندے نيں۔ اس توں بعد روٹی دے ٹکڑے چنگی طرحاں گرم تیل وچ اودوں تک تݪے جاندے نيں جدوں تک اوہ ہلکے پعھورے رنگ دے نہ ہو جاݨ۔ کچھ دیر وچ نرم، پعھوری لچکدار چِپچِپی روٹی تیار ہو جاندی اے۔ [۴] پٹھورے نوں اکثر دہیں، اچار تے سالݨ ناݪ کھایا جاندا اے۔ چنےآں دے ناݪ اکثر کھایا جاندا اے۔ [۲]
پٹھورے دیاں قسماں سودھو
اس پکوان دی اک ہور قِسم وچ سادا آٹے دی بجائے سوجی دا آٹا اِستعمال ہُندا اے۔[۵] دوسریاں قِسماں وچ آلو پٹھورا تے پنیر پٹھورا شامل نيں۔ کلچا وی ایہدی اک قِسم اے جو بغیر تݪے توے اُتے سیک کے بݨایا جاندا اے تے ایہدے وچ تعھݨیے دے پتے وی شامل کر لئے جاندے نيں۔
حوالے سودھو
- ↑ Galanakis, Charis M. (2020-09-22). Gastronomy and Food Science (in en). Academic Press. ISBN 978-0-12-820438-2.
- ↑ ۲.۰ ۲.۱ Patel, Varsha (2013). Recipes from My Home Kitchen. Xlibris Corporation, 28.
- ↑ Ramineni, Shubhra (28 فروری 2012). Entice With Spice: Easy Indian Recipes for Busy People. ISBN 978-1-4629-0527-0.
- ↑ Gadia, Madhu (2009). The Indian Vegan Kitchen. Penguin Publishing Group, 300.
- ↑ Godbole, Nandita (2014). A Dozen Ways to Celebrate: Twelve Decadent Feasts for the Culinary Indulgent. Curry Cravings.