ولیم بیرنٹس
| ایہ صفہ ٹھیک پنجابی وچ نہیں لکھیا گیا۔ ایہدی پنجابی ٹھیک کرن دی لوڑ اے! |
ولیم بیرنٹس (جنم:1550ء ، مغربی فریسین جزیرے ، انتقال :20 جون 1597ء ، نووایا زیملیا ، روس) اک ولندیزی جہازران تے مہم جو سی ، جہڑا زمین دے انتہائی اتلے علاقےآں ول شروع کیتیاں گئیاں پہلیاں مہماں دے رہبر سی ۔
.jpg)
مہماں سودھو
1594ء چ اس نے سائبیریا دے شمال توں مشرقی ایشیاء جانہہ لئی دنیا دے شمال مشرقی رستے دے تلاش دا آغاز کیتا تے ایمسٹرڈیم توں دو جہازاں دے نال ٹرئیا ۔ اوہ جزیرہ نووایا زیملیا دے مغربی ساحل تے اپڑئیا تے فیر شمال ول سفر شروع کیتا پر اس نوں جزیرے دے انتہائی شمالی علاقے تک اپڑ کے مجبورا پرتنا پئیا ۔
اگلے ورہے اسنے ست جہازاں نال نویں مہم دا آغاز کیتا جہڑی سائبیریا دے ساحل تے جزیرہ ویگاج دے وچکار آبنائے دی تلاش لئی سی ، پر اس نوں پہنچن چ کافی دیر ہوگئی تے آبنائے دا پانی جم چکئیا سی تے جہازاں دے سفر دے قابل نا رہی سی ۔ اس دا تیجا سفر وی ناکام رہئیا جہڑا اس دی موت دا کارن بنئیا ۔ سفر دے دوران اسنے بیورنویا تے سوالبارد دے جزیرے دی دریافت کیتے ۔ جتھے جہازاں دے قافلے نوں دو حصیاں چ ونڈئیا گئیا ۔ بیرنٹس دا جہاز نووایا زیملیا دا چکر لؤن دے مگروں شمال چ برف چ پھس گئیا تے عملے دے ارکان نووایا زیملیا چ سردی دا موسم گزارن تے مجبور ہوگئے ۔ اس دوران اوہناں نے جہاز دے ڈھانچے چوں لکڑیاں کڈ کے رہن دے قابل مکان بنائے ۔ 1597ء دے شروع چ وی جہاز برف چوں کڈے جان مگروں عملے دے ارکان نے 13 جون نوں دو کشتیاں راہیں علاقے توں نکلن دی مہم دا آغاز کیتا ۔ عملے دے اکثر ارکان تے جان بچان چ کامیاب ہوگئے جنہاں نوں جزیرہ نما کولا دے لاگے اک بحری جہاز نے بچا لئیا پر بیرنٹس 20 جون نوں مر گئیا ۔
نووایا زیملیا چ لنگھائے بھیڑے دناں دی داستان گیرت دی ویر دی ڈائری دے طور تے شائع ہوئی ، جہڑا جہاز چ ترکھان سی تے سفر دے دوران ماحولیاتی اثرات دا شکار ہون آلے پہلا فرد سی ،جسنوں نووایا زیملیا اثر آکھئیا جاندا اے ۔
1871ء چ بیرنٹس تے اسدے عملے دی ارکان دی بنائی گئی رہائش گاہ صحیح سلامت مل گئی ، جس چوں اینہاں دیاں کئی شیواں وی لبھیاں ، جنہاں نوں دی ہیگ چ محفوظ ک ر لئیا گئیا تے 1875ء چ اسدا اصل روزنامچہ وی لبھ گئیا ۔
بحیرہ بیرنٹس تے بیرنٹس خطہ وی اسدے ناں توں موسوم اے ۔