عقبہ بن نافع
خلافت بنو امیہ
جیون: 622 - 683
ویلہ: معاویہ - یزید
کم: فوجی سردار

عقبہ بن نافع اک مسلمان عرب فوجی سردار سی جینے بنو امیہ دی سرکار چ معاویہ تے یزید دے ویلے ٹیونس الجزائر تے مراکش تے مل ماریا۔ اوہ عمر ابن العاص دا پتیجا سیھ تے اودا جوڑ مکہ دے قبیلے قریش نال سی۔

عقبہ بن نافع عمر بن العاس نال 644 چ پہلی آری لڑائیاں چ آیاں جدوں اوناں نے رل کے اتلے افریقہ چ برقہ تے طرابلس تے مل ماریا۔ 670 چ امیر معاویہ نے عقبہ بن نافع نوں اتلے افریقہ دیاں مسلمان فوجاں دا سردار بنا دتا۔انگریز تریخ لکھاری گبن دے بولاں چ عقبہ بن نافع دمشق توں 10 ہزار فوج لیکے ٹریا اوہ مصر دے صحرا ولوں ٹریا تے چوکیاں بناندا گیا۔

قیروان دی نیو سودھو

ٹیونس تے مل مارن توں مغروں عقبہ بن نافغ نے ایتھے بوت وڈی چھاونی دی نیو رکھی جیدا ناں قیروان (قیراون فارسی دا بول اے جیدا مطلب کاروان سراۓ یا فوجیاں دی چھونی) قیروان فوجی رہتلی تے پڑھائی دا وڈا گڑہ سی۔ عقبی بن نافع نے ایتھے عقبہ دی مسبت دی وی نیو رکھی۔

 
قیروان دی مسیت

تیونس توں مغروں عقبہ نے الجزائر، مراکش تے ماریطانیہ تے وی مل مار لیا۔ اندلسی تریخ لکھاری المراکشی لکھدا اے جدوں عقبہ کعوڑے دے اتے اپنیاں فوجاں نال مارا ماری کردیاں ہوئیاں سمندر اوقیانوس دے کنڈے تے اپڑیا زمین مک گئی سی تے اونے کعوڑے نوں پانی چ ٹوریا تے اونے آکھیا اگر سامنے سمندر نا آندا تے اوہ اللھ دا سنیعہ اگے وی لے جاندا۔ اقبال نیں اے گل اپنے اک شعر چ انج آکھی اے۔

دشت و دشت دریا بھی نہ چھوڑے ہم نے
بحر ظلمات میں دوڑا دیے گھوڑے ہم نے

انگریز تاریخ دان گبن نے وی اے ای گل آکھی اے کہ عقبہ نوں شمالی افریقہ دا جتنوا آکھیا اے۔ 683 چ عقبہ بن نافع سیدی عقبہ الجزائر والی تھاں چ مر گیا۔

بارلے جوڑ سودھو