میجر جنرل صاحبزادہ سید سکندر علی مرزا (1899-1969) ڈومینین آف پاکستان دا آخری گورنر چنرل تے لوک راج پاکستان دا پہلا صدر سی۔

سید سکندر علی مرزا مرشدآباد بنگال چ 13 نومبر 1899 نوں جمیا۔ اودا جور اک نواب ٹبر نال سی۔ میر جعفر جینے پلاسی دی لڑائی چ غداری کردیاں ہویاں انگریزاں نال رل گیا سی سکندر مرزا دا وڈ وڈیرا سی۔ اوہ بمبئی چ پلیا تے تے اوتھے پڑہن مکروں اوہ برطانیہ دے فوجی سکول سینڈھرسٹ چ پڑھیا جتھے اوہ پہلا ہندستانی سی جیہڑا اوتھے پڑھیا۔ 1920 ج سکندر برطانوی فوج چ آگیا۔ 1926 چ اسسٹنٹ کمشنر ایبٹ آباد لگیا۔ 1947 چ اوہ ڈیفنس سیکریٹری لگ گیا۔

پاکستان بنن تے اوہ پاکستان دا ڈیفنس سیکریٹری لگ گیا۔ 1954 چ اونوں چڈھدے پاکستان دا گورنر لا دتا گیا۔ ایس دے مکروں اونوں محمد علی بوگرا دی کابینہ چ وزیرداخلہ بنایا گیا۔ ایس دے مکروں پاکستان دا گورنر جنرل بنا دتا گیا۔ 1956 چ پاکستان دا آئین بنن تے اونوں پاکستان دا پہلا صدر بنایا گیا۔ 7 اکتوبر 1958 چ اونے پاکستان چ مارشل لا لا دتا۔ ایوب خان 27 اکتوبر نوں آپ صدر بن گیا تے سید سکندر مرزا نوں برطانیہ نسنا پیا۔ سکندر مرزا لندن چ مرگیا تے اونوں ایران چ دبیا گیا۔

ہور پڑہو سودھو

بارلے جوڑ سودھو

گن ناپ تے اے آرٹیکل نکا اے۔
'