سعیدہ وارثی
| سعیدہ وارثی | |
| جنمستھان : | ڈیوزبری یارکشائر، انگلینڈ |
| جمݨ دیہاڑ : | 28 مارچ 1971 |
| کم : | سیاستدان، وکیل |
سعیدہ حسین وارثی انگلینڈ وچ رہندی اک پنجابی وکیل تے سیاستدان نیں ۔اوہ کنزرویٹو پارٹی دی ممبر تے برطانوی وزیراعظم ڈیوڈ کیمرون دی کبینا وچ وزیر رہ چکیاں نیں ۔ سعیدہ برطانوی کبینا دی پہلی مسلمان سواݨی وزیر نیں۔سعیدہ وارثی دا ٹبر پاکستان دے صوبا پنجاب دی تحصیل گجر خان دے اک پنڈ بیول نال تعلق رکھدا اے ۔ سعیدہ وارثی نے 5 اگست 2014 نوں غزہ وچ فلسطینیاں نوں مارن اُتے برطانیا دے چپ رہن تے وزارت توں استعفا دے دتا سی ۔
جیون سودھو
سعیدہ وارثی دا جنم 28 مارچ 1971 نوں ڈیوزبری یارکشائر انگلینڈ وچ ہویا ۔ اوہناں دے والد صفدر حسین بٹ نیں جیہڑے 1962 وچ بیول (پنڈ) پاکستان توں انگلینڈ جلے گئے ۔ پہلاں اوہناں نے اک مل وچ مزدوری کیتی فیر بیڈ بنون دا کم ٹوریا تے ہن اوہناں نوں سالانا 2 ملیئن پاؤنڈ دا منافع لبھدا اے ۔ سعیدہ دے کہݨ مطابق، پیو دی کامیابی، اوہنوں کنزرویٹو پارٹی ول لے گئی ۔ اوہنا نے برکڈیل ہائی سکول، ڈیوزبری کالج تے لیڈز یونیورسٹی توں پڑھائی کیتی تے وکالت کرن لگ گئیاں ۔ پاکستان دی وزارت قنون نال کم کیتا تے کشمیر وچ سویرا فاؤنڈیشن نال رل کے کمزور سواݨیاں لئی کم کیتا ۔ اکتوبر 2007 وچ اوہ ہاؤس آف لارڈ دی ممبر بݨیاں ۔ 12 مئی 2010 نوں اوہناں نوں وزیر تے کنزرویٹو پارٹی دی رہنما بݨا دتا گیا ۔
ویاہ سودھو
سعیدہ 19 ورھیان دی سی جدون اوہناں دا ویاہ اوہناں دے کزن نعیم نال ہویا تے اک تعی آمنہ پیدا ہوئی ۔ پر ایہ ساک 17 ورھیاں مگروں دسمبر 2007 وچ ٹٹ گیا ۔ اگست 2009 وچ سعیدہ وارثی نے افتخار اعظم نال ویاہ کر لیا ۔
